କନ୍ଧମାଳ, କନ୍ଧମାଳ ଜ଼ିଲ୍ଲା ଗୋଛାପଡା ଥାନା ଅନ୍ତର୍ଗତ ସୁଟୁଣୀ ଘାଟିରେ ହୋମଗାର୍ଡ ସୁଧୀର ସାହାଣୀଙ୍କ ବାଇକ କୁ ଅଟକାଇ ମାରଣାସ୍ତ୍ର ଦେଖାଇ ତାଙ୍କୁ ମାଡ ମାରିବାସହ ଧମକ ଦେଖାଇ ଡକାୟତି କରିଥିବା ଅଭିଯୋଗରେ ଗୋଛାପଡ଼ା ପୋଲିସ ଚାରି ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି । ଗିରଫ ଅଭିଯୁକ୍ତ ମାନେ ହେଲେ ଫିରିଙ୍ଗିଆ କୁଟୁନି ପଦର ଗ୍ରାମର ପଲାସା ଅମାତ, ଗୋଚ୍ଛାପଡ଼ା ଥାନା ବାଘ ଡୁଙ୍ଗୁରି ଗ୍ରାମର ଦୁଃଖିଶ୍ୟାମ ଡିଗାଲ, ଫୁଲବାଣୀ ସହରର କର୍ଣ୍ଣ ନାୟକ ଏବଂ ଗୋଚ୍ଛାପଡା ଥାନା ବାଲନ୍ଦା ପଡାର ଗଙ୍ଗା ଡିଗାଲ ବୋଲି ପୋଲିସ କହିଛି । ଗୋଛାପଡା ପୋଲିସ ୯୮/୨୨ ଧାରା ୩୪୧, ୩୨୩, ୩୩୨, ୩୫୩, ୩୯୪, ୩୦୭ ଧାରାରେ ମାମଲା ରୁଜ୍ଜୁ କରି ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଥିବା ନେଇ ଥାନା ଅଧିକାରୀ ରଂଜିତ କୁମାର ମୁନି ସୂଚନା ଦେଇଛନ୍ତି ।
ସୂଚନା ଯୋଗ୍ୟ ଯେ, ଗତକାଲି ଖଜୁରୀପଡା ଖେତାପାଜୁ ଗ୍ରାମର ହୋମଗାର୍ଡ ସୁଧୀର ସରକାରୀ କାର୍ଯ୍ୟରେ ସୁଟୁଣୀ ଗ୍ରାମକୁ ଯାଉଥିବା ବେଳେ ସୁତୁନୀ ଘାଟିର ଇଉ ଟର୍ଣ୍ଣିଙ୍ଗ ରେ ଅଭିଯୁକ୍ତ ମାନେ ଏକ ମହିନ୍ଦ୍ରା ମାରାଜୋ କାର୍ ରେ ସୁଧୀରଙ୍କୁ ଅଟାକାଇ ମରଣାସ୍ତ୍ର ଦେଖାଇ ମୋବାଇଲ ଓ ଟଙ୍କା ଲୁଟ୍ କରିଥିଲେ । ଏ ନେଇ ହୋମଗାର୍ଡ ଜଣକ ଥାନାରେ ଅଭିଯୋଗ କରିଥିଲେ ।
