ପୁରୀ, ଆଜାଦି କା ଅମୃତ ମହୋତ୍ସବ ପାଳନ ଅବସରରେ ବିଭିନ୍ନ କାର୍ଯ୍ୟକ୍ରମ ଜାରି ରହିଛି । ଏଥିମଧ୍ୟରେ ସ୍ବଚ୍ଛତା ଅଭିଯାନ ଅନ୍ୟତମ । ଏହି ଉପଲକ୍ଷେ ନେହେରୁ ଯୁବ କେନ୍ଦ୍ର ପକ୍ଷରୁ ସଫେଇ ଅଭିଯାନ ଏମାର ମଠ ପରିସରରେ ଅନୁଷ୍ଠିତ ହୋଇଛି । ସୁରଜମଲ୍ଲ ଶାହା ମହାବିଦ୍ୟାଳୟ ଓ ଶ୍ରୀ ଜଗନ୍ନାଥ ବେଦ କର୍ମକାଣ୍ତ ମହାବିଦ୍ୟାଳୟର ଜାତୀୟ ସେବା ସଂସ୍ଥାର ଛାତ୍ରଛାତ୍ରୀ ମାନେ ଏଥିରେ ଯୋଗ ଦେଇଥିଲେ । ଅତିରିକ୍ତ ଜିଲ୍ଲାପାଳ ସୁଭାଷ ଚନ୍ଦ୍ର ନାଥଶର୍ମା, ନେହେରୁ ଯୁବ କେନ୍ଦ୍ର ରାଜ୍ୟ ସଂଯୋଜକ ବିମଳ ପ୍ୟାଟ୍ରିକ ଶାହା, ଜିଲ୍ଲା ସଂଯୋଜକ ଜୟ ଶଙ୍କର ଯୋଶୀ, କାର୍ଯ୍ୟକ୍ରମ ଅଧିକାରୀ ଡଃ. ହରପ୍ରିୟା ଦାଶ, ଅମିତ କୁମାର ପାତ୍ର, ଅକ୍ଷୟ କୁମାର ରାଉଳ, ସ୍ବେଚ୍ଛାସେବୀ ବଦ୍ରି ମିଶ୍ର ପ୍ରମୁଖ ଉପସ୍ଥିତ ଥିଲେ ।
