-
ଜଣେ ମୃତ, ୧ ଗୁରୁତର
-
ମୃତକଙ୍କ ଶବ ରଖି ରାସ୍ତାରୋକ
ଗଞ୍ଜାମ, ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ସାମନ୍ତରାପୁର ଓ ଶ୍ରୀଚନ୍ଦନପୁର ଛକରେ ଆଜି ସକାଳେ ବାଇକ୍ ପଛରେ ଏକ ଟ୍ରକ୍ ଧକ୍କା ଦେବା ଫଳରେ ଜଣକର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ମୃତକ ଜଣକ ହେଲେ ମୋହନ ଗୌଡ଼ (୨୫) । ତାଙ୍କ ଘର ନିକଟସ୍ଥ ସାମନ୍ତରାପୁର ଗ୍ରାମରେ ।
ମୋହନ ବାଇକ୍ ପଛରେ ବସିଥିବା ବେଳେ ଟ୍ରକ୍ ଧକ୍କାରେ ତଳକୁ ଖସିପଡି ଟ୍ରକ୍ ଚକା ତଳେ ଚାପି ହୋଇଯାଇଥିଲେ । ଘଟଣାସ୍ଥଳରେ ତାଙ୍କର ମତ୍ୟୁ ହୋଇଥିଲା । ଯାହାକୁ ନେଇ ସେଠାରେ ଉତେଜନା ପ୍ରକାଶ ପାଇଥିଲା । ଉତ୍ୟେକ୍ତ ଲୋକେ ଶବ ରଖି ଆସିକା-ଦିଗପହଣ୍ଡି ମୁଖ୍ୟ ରାସ୍ତାକୁ ଅବରୋଧ କରିବା ସହ ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ଅଡି ବସିଥିଲେ । ଘଟଣାସ୍ଥଳରେ ପାଟପୁର ଥାନା ପୋଲିସ ଏବଂ ସାନଖେମୁଣ୍ଡି ଅତିରିକ୍ତ ତହସିଲଦାର ପହଂଚି ଉତ୍ୟେକ୍ତ ଲୋକଙ୍କୁ ବୁଝାସୁଝା କରିଥିଲେ । ଦୁର୍ଘଟଣା ଘଟାଇଥିବା ଡ୍ରାଇଭର ଟ୍ରକ୍ ଛାଡି ଫେରାର୍ ହୋଇଯାଇଛି । ପୋଲିସ ଟ୍ରକକୁ ଜବତ କରିଛି ଏବଂ ଦୁର୍ଘଟଣାରେ ଗୁରୁତର ବାଇକ୍ ଚାଳକଙ୍କୁ ଚିକିତ୍ସା ନିମନ୍ତେ ଦିଗପହଣ୍ଡି ଡ଼ାକ୍ତରଖାନାକୁ ପଠାଇଥିବା ଜଣାପଡିଛି ।
