ପୁରୀ, ଗତକାଲି ବିଳମ୍ବିତ ରାତିରେ ପୁରୀ ଟାଉନ କୁମ୍ଭାରପଡା ଥାନା ଅନ୍ତର୍ଗତ ନରେନ୍ଦ୍ରକୋଣ ଆଇଟିଆଇ କଲେଜ ନିକଟରେ ଗୁଳି ମାଡ ଓ ଭୁଜାଲି ଚୋଟ ଯୋଗୁଁ ଦୁଇ ଜଣ ଆହତ ହୋଇଛନ୍ତି । ଗୁଳିମାଡରେ ଶକୁନ୍ତଳା ସାହୁ ଆହତ ହୋଇ ପ୍ରଥମେ ଜିଲ୍ଲା ମୁଖ୍ୟ ଚିକିତ୍ସାଳୟ ଓ ପରେ କଟକ ସ୍ଥାନାନ୍ତରିତ ହୋଇଥିବା ଜଣାପଡିଛି । ବିଜୁ ବେହେରା ନାମକ ଜଣେ ଯୁବକ ଏହି ଗୁଳିମାଡ କରିଥିବା ଅଭିଯୋଗ ହୋଇଛି । କୁମ୍ଭାରପଡା ଥାନା ପକ୍ଷରୁ ଘଟଣାର ଛାନଭିନ ଜାରୀ ରହିଛି । ଜମିବାଡ଼ି ବିକ୍ରି ଓ ଟଙ୍କା ନେଣଦେଣକୁ ନେଇ ଏହି ଘଟଣା ଘଟିଥିବା କୁହାଯାଉଛି । ଭୁଜାଲି ମାଡରେ ଜଣେ ଯୁବକ ଆହତ ହୋଇଛି ।
