ନୂଆଦିଲ୍ଲୀ, ହଜରତ ମହମ୍ମଦଙ୍କ ଜନ୍ମଦିନ ତଥା ପବିତ୍ର ଇଦ-ଏ-ମିଲାଦ-ଉନ-ନବି ଅବସରରେ ଦେଶବାସୀଙ୍କୁ ବିଶେଷ ଭାବେ ମୁସଲମାନ ଭାଇ ଓ ଭଉଣୀ ମାନଙ୍କୁ ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ । ଏନେଇ ଏକ ଟ୍ୱିଟ୍ କରି ସେ ଉଲ୍ଲେଖ କରିଛନ୍ତି ଯେ, ଆସନ୍ତୁ, ସମସ୍ତେ ହଜରତ ମହମ୍ମଦଙ୍କ ଜୀବନୀରୁ ପ୍ରେରଣା ନେଇ ସମାଜରେ ଖୁସି ଭରିଦେବା ଏବଂ ଦେଶରେ ସୁଖ ଶାନ୍ତି ବଜାୟ ରଖିବା ଦିଗରେ କାର୍ଯ୍ୟ କରିବା ।
ମିଲାଦ-ଉନ-ନବି ଅବସରରେ ଶ୍ରଦ୍ଧାଳୁ ଓ ଦେଶବାସୀଙ୍କୁ ହାର୍ଦ୍ଧିକ ଶୁଭକାମନା ଜଣାଇଲେ ଉପରାଷ୍ଟ୍ରପତି
ନୂଆଦିଲ୍ଲୀ, ଉପରାଷ୍ଟ୍ରପତି ଭେଙ୍କୟା ନାଇଡ଼ୁ ଏକ ଟ୍ୱିଟ୍ କରି ପବିତ୍ର ମିଲାଦ-ଉନ-ନବି ଅବସରରେ ଶ୍ରଦ୍ଧାଳୁ ଓ ଦେଶବାସୀଙ୍କୁ ହାର୍ଦ୍ଧିକ ଶୁଭକାମନା ଜଣାଇଛନ୍ତି । କୋଭିଡ଼୍ ନେଇ ସାବଧାନତା ଅବଲମ୍ବନ କରିବା ସହ ପରମ୍ପରାଗତ, ସୌହାର୍ଦ୍ଧ୍ୟ, ଆସ୍ଥାର ଏହି ପର୍ବକୁ ପାଳନ କରିବାକୁ ସେ ପରାମର୍ଶ ଦେଇଛନ୍ତି ।
