ଭଞ୍ଜନଗର- ଆଜି ଦିନ 10 ଟା ସମୟରେ ଜଗନ୍ନାଥ ପ୍ରସାଦ ସଂରକ୍ଷୀତ ଜଙ୍ଗଲ ଭାଗ 8 ଅନ୍ତର୍ଗତ ସମରବନ୍ଧ ନିକଟ ନାରାୟଣ ପଲ୍ଲୀ ଗ୍ରାମର ମାୟା ନାୟକ (70) ଓ ତାର ଝୀଅ ଟୁନି ନାୟକ (45) ଦୁହେଁ ଛତୁ ସଂଗ୍ରହ ପାଇଁ ଜଙ୍ଗଲ କୁ ଯାଇଥିଲେ l ହେଲେ ସେହି ସମୟରେ ଏକ ହାତୀ ପଲ ଆସୁଥିବା ଦେଖି ଭୟରେ ଟୁନି ଦୌଡ଼ି ପଳେଇ ଥିଲା କିନ୍ତୁ ମାୟା ଯାଇ ନପାରି ପଡିଯାଇଥିଲା l ଗୋଟିଏ ହାତୀ ଆସି ଶୁଣ୍ଢ ରେ ମାୟା କୁ ମାରି ଦେଇଥିଲା l ସେହି ସମୟରେ ବନବିଭାଗ କର୍ମଚାରୀମାନେ ପେଟ୍ରୋଲିଙ୍ଗ ରେ ଯାଉଥିବାରୁ ଖବର ପାଇ ସଙ୍ଗେ ସଙ୍ଗେ ଘଟଣା ସ୍ଥଳରେ ପହଂଚି ଗୁରୁତର ଅବସ୍ଥାରେ ମାୟା କୁ ଉଦ୍ଧାର କରି ଭଞ୍ଜନଗର ମେଡିକାଲ କୁ ଆଣିଥିଲେ l ଏଠାରୁ ଅଧିକ ଚିକିତ୍ସା ପାଇଁ ମାୟା ବ୍ରହ୍ମପୁର ମେଡିକାଲ ସ୍ଥାନାନ୍ତର କରାଯାଇଛି l ଡେପୁଟି ରେଞ୍ଜର ଉମାକାନ୍ତ ଦାଶ, ଫରେଷ୍ଟର କଳା ବଦନ ଦାଶ, ଗାର୍ଡ ପବିତ୍ର ମଳିକ, ଅଶୋକ ସେଠି, ନୀଳାଞ୍ଚଳ ସେଠି, ବାବୁ ନାୟକ ଓ ଅନ୍ୟମାନେ ଉପସ୍ଥିତ ଥିଲେ l
