-
ଜଣେ ମୃତ, ଅନ୍ୟ ଜଣେ ଗୁରୁତର
ପୁରୀ, ଛେଳି ମୃତ୍ୟୁକୁ କେନ୍ଦ୍ର କରି ଘଟିଛି ଗୋଷ୍ଠି ସଂଘର୍ଷ । ଏଥିରେ ଜଣକର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଭାବେ ଆହତ ହୋଇଛନ୍ତି । ପୁରୀ ଜିଲ୍ଲା ଅସ୍ତରଙ୍ଗ ଥାନା ଅନ୍ତର୍ଗତ ପାଟସୁନ୍ଦରପୁର ଗ୍ରାମରେ ଘଟିଛି ଏହି ଗୋଷ୍ଠି ସଂଘର୍ଷ ।
ଛେଳିକୁ ଧକ୍କା ଦେଇଥିଲା ଏକ ବାଇକ୍ । ଯାହାକୁ ନେଇ ପ୍ରଥମେ ଉଭୟ ପକ୍ଷ ମଧ୍ୟରେ ବଚସା ହୋଇଥିଲା । ପରେ ଏହା ଗୋଷ୍ଠି ସଂଘର୍ଷର ରୂପ ନେଇଥିଲା । ଗୋଷ୍ଠୀ ସଂଘର୍ଷରେ ଜଣକର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି । ଖବର ପାଇ ଅସ୍ତରଙ୍ଗ ଥାନା ପୋଲିସ ଘଟଣାସ୍ଥଳରେ ପହଂଚି ସ୍ଥିତିକୁ ନିୟନ୍ତ୍ରଣକୁ ନେଇଛି । ଗୁରୁତରଙ୍କୁ ଚିକିତ୍ସା ନିମନ୍ତେ ନିକଟସ୍ଥ ମେଡିକାଲରେ ଭର୍ତି କରିଛି ।
