ପଟ୍ଟାମୁଣ୍ଡାଇ ,କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ଥାନ ଅନ୍ତର୍ଗତ କଟକ-ଚାନ୍ଦବାଲି ରାସ୍ତା ରାଇସମିଲ ଛକ ନିକଟରେ ସଡକ ଦୁର୍ଘଟଣା ଘଟିଛି । ଗୋଟିଏ ବାଇକ କାର ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣାରେ ବାଇକ ଆରୋହୀଙ୍କର ମୃତ୍ୟୁ ହୋଇଛି ।
ଖବର ଅନୁଯାୟୀ, ସୋମବାର ରାତ୍ରି ପ୍ରାୟ ସାଢେ ୧୧ ଟା ବେଳେ କଟକ-ଚାନ୍ଦବାଲି ରାସ୍ତା ନଳୀନ ରାଇସମିଲ୍ ନିକଟରେ ଦୁଇ ବିପରୀତ ଦିଗରୁ ଆସୁଥିବା ବାଇକ ଓ କାର ମୁହାଁମୁହିଁ ଧକ୍କା ହୋଇଥିଲା । ଫଳରେ ଘଟଣାସ୍ଥଳେ ବାଇକ ଆରୋହୀଙ୍କର ମୃତ୍ୟୁ ହୋଇଛି । ମୃତକ ଜଣକ ହେଲେ ରାଜକନିକା ବ୍ଲକ ଲହୁଣୀ ପଞ୍ଚାୟତ ସପ୍ଲାନ ଗାଁର ରାଜେନ୍ଦ୍ର ବିଶ୍ବାଳ ।ଖବର ପାଇ ପଟ୍ଟାମୁଣ୍ଡାଇ ପୋଲିସ ପହଞ୍ଚି ମୃତ ଯୁବକଙ୍କ ଶବ ଜବତ କରି ପଟ୍ଟାମୁଣ୍ଡାଇ ହସ୍ପିଟାଲରେ ରଖିଛି।
