ନୂଆଦିଲ୍ଲୀ, ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ପୂର୍ବାହ୍ନ ୧୧ଟାରେ ଭିଡିଓ କନଫରେନ୍ସିଂ ମାଧ୍ୟମରେ ଜାତୀୟ ମାନବାଧିକାର ଆୟୋଗ (ଏନଏଚଆରସି)ର ୨୮ତମ ପ୍ରତିଷ୍ଠା ଦିବସରେ ଭାଗ ନେବେ । ଏହି ଅବସରରେ ସେ ସମ୍ବୋଧନ ମଧ୍ୟ ଦେବେ ।
କେନ୍ଦ୍ର ଗୃହ ମନ୍ତ୍ରୀ ଓ ଏନଏଚଆରସି ଅଧ୍ୟକ୍ଷ ମଧ୍ୟ ଏହି କାର୍ଯ୍ୟକ୍ରମରେ ଉପସ୍ଥିତ ରହିବେ ।
ମାନବାଧିକାର ସୁରକ୍ଷା ଅଧିନିୟମ, ୧୯୯୩ ଅନ୍ତର୍ଗତ ଅକ୍ଟୋବର ୧୨, ୧୯୯୩ରେ ମାନବାଧିକାର ସୁରକ୍ଷା ଓ ପ୍ରୋତ୍ସାହନ ପାଇଁ ଏନଏଚଆରସି ପ୍ରତିଷ୍ଠା ହୋଇଥିଲା । କୌଣସି ପ୍ରକାର ମାନବାଧିକାର ଉଲ୍ଲଙ୍ଘନ ହେଲେ ଆୟୋଗ ନିଜ ଆଡୁ ପଦକ୍ଷେପ ନେଇଥାନ୍ତି, ତଦନ୍ତ କରନ୍ତି ଓ ମାନବାଧିକାର ଉଲ୍ଲଙ୍ଘନ କ୍ଷେତ୍ରରେ ପୀଡିତଙ୍କୁ କ୍ଷତିପୂରଣ ପ୍ରଦାନ କରିବା ସହ ଦୋଷୀ ଅଧିକାରୀଙ୍କ ବିରୋଧରେ ଆଇନଗତ ଓ ଅନ୍ୟାନ୍ୟ ଦୃଷ୍ଟାନ୍ତମୂଳକ ପଦକ୍ଷେପ ଗ୍ରହଣ କରିଥାନ୍ତି ।
