ଭୁବନେଶ୍ୱର/ମାଲକାନଗିରି, ମାଓବାଦୀ ବିରୋଧୀ ଅଭିଯାନରେ ସୁରକ୍ଷା ବଳଙ୍କୁ ଏକ ବଡ ସଫଳତା ମିଳିଛି । ଛତିଶଗଡ଼ ସୀମାନ୍ତରେ ଲକାନଗିରି ଜିଲ୍ଲାର ମାଥିଲି ଥାନା ଅନ୍ତର୍ଗତ ତୁଳସୀ ରିଜର୍ଭ ଫରେଷ୍ଟରେ ଯବାନ-ମାଓବାଦୀଙ୍କ ଭିତରେ ଆଜି ସକାଳେ ଗୁଳି ବିନିମୟ ବେଳେ ଦୁଇ ଜଣ ମହିଳା ମାଓବାଦୀ ସମେତ ତିନି ଜଣ ମାଓବାଦୀଙ୍କ ମୃତ୍ୟୁ ଘଟିଥିବା ନେଇ ପୁଲିସ୍ ମହାନିର୍ଦ୍ଦେଶକ ଅଭୟ ସୂଚନା ଦେଇଛନ୍ତି ।
ସେ କହିଛନ୍ତି ଯେ ଗୁଇନ୍ଦା ସୂଚନା ଆଧାରରେ ସୁରକ୍ଷା ବଳଙ୍କ ଜଏଂଟ ଟିମ ଏହି ଅଂଚଳରେ ତଲାଶୀ ଅଭିଯାନ ଜାରୀ ରଖିଥିବା ବେଳେ ଡିଭିଏଫ ଓ ଏସଓଜି କ୍ୟାମ୍ପ ଉପରେ ହଠାତ୍ ମାଓବାଦୀମାନେ ଗୁଳିବର୍ଷଣ କରିଥିଲେ । ଏହା ଫଳରେ ଜବାନ ମାନେ ମଧ୍ୟ ତାଙ୍କୁ ପାଲଟା ଗୁଳି ଚଳାଇଥିଲେ । ଏଥିରେ ୩ ଜଣ ମାଓବାଦୀ ମୃତ୍ୟୁବରଣ କରିଛନ୍ତି । ଘଟଣାସ୍ଥଳରୁ ଦୁଇ ଜଣ ମହିଳା ଓ ଜଣେ ପୁରୁଷଙ୍କ ମୃତଦେହ ମିଳିଛି । କୌଣସି ପୁଲିସ ଅଧିକାରୀଙ୍କ କିଛି କ୍ଷତି ହୋଇନାହିଁ । ଏବେ ବି କମ୍ବିଂ ଅପରେସନ ଜାରି ରହିଛି । ମାଓବାଦୀଙ୍କ ଠାରୁ ୨ଟି ବନ୍ଧୁକ, ଗୋଟିଏ ଏସଏଲଆର ଓ ଇନସାସ ଜବତ କରାଯାଇଥିବା ସେ ପ୍ରକାଶ କରିଛନ୍ତି ।
