-
ଜଣେ ଗଛରେ ଚଢି ଜୀବନ ବଂଚାଇଲେ, ଅନ୍ୟ ଜଣଙ୍କୁ ଉଦ୍ଧାର କଲେ ଲୋକେ
ଆନନ୍ଦପୁର, ବିନା ସୂଚନାରେ ସ୍ଲୁଇସ୍ ଗେଟ୍ ଖୋଲିବାରୁ ନଦୀର ପ୍ରଖର ଜଳସ୍ରୋତରେ ଭାସିଯାଇଥିଲେ ଦୁଇ ଯୁବକ । ଜଣେ ଗଛରେ ଚଢି ଜୀବନ ବଂଚାଇଲେ, ଅନ୍ୟ ଜଣଙ୍କୁ ଲୋକେ ଉଦ୍ଧାର କରିଛନ୍ତି । ବୈତରଣୀ ନଦୀ ସିଙ୍ଗିନାଳି ପାୱାର ପ୍ରୋଜେକ୍ଟ ଗେଟ୍ ଖୋଲିବାରୁ ଏହି ଅଘଟଣ ଘଟିଛି । ବିନା କୌଣସି ପୂର୍ବ ସୂଚନାରେ ଆଜି ନଦୀର ସ୍ଲୁଇସ୍ ଗେଟ୍ ଖୋଲି ଦେଇଥିଲେ କର୍ତୃପକ୍ଷ । ଫଳରେ ନଦୀରେ ଗାଧୋଉଥିବା ଜାଦବହାଳି ଗ୍ରାମର ଦୁଇ ଜଣ ଯୁବକ ପାଣିରେ ଭାସି ଯାଇଥିଲେ । ଜଣେ ଗଛରେ ଚଢି ଯାଇଥିବା ବେଳେ ଅନ୍ୟ ଜଣଙ୍କୁ ଲୋକେ ଉଦ୍ଧାର କରିଥିଲେ । ଯାହାଦ୍ୱାରା ସେମାନେ ମୃତ୍ୟୁ ମୁଖରୁ ଅଳ୍ପକେ ବର୍ତି ଯାଇଛନ୍ତି । ଲୋକଙ୍କ ଦ୍ୱାରା ଉଦ୍ଧାର ହୋଇଥିବା ଯୁବକ ଜଣକ ସ୍ୱାସ୍ଥ୍ୟାବସ୍ଥା ଗୁରୁତର ରହିଛି । ତାଙ୍କୁ ଚିକିତ୍ସା ନିମନ୍ତେ ଆନନ୍ଦପୁର ହସ୍ପିଟାଲରେ ଭର୍ତି କରାଯାଇଛି ।
