-
ଦୁଇ ଦେଶୀ ବନ୍ଧୁକ ଓ ୧୧ ଜୀବନ୍ତ ଗୁଳି ଜବତ
ଗଞ୍ଜାମ, ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଅନ୍ତର୍ଗତ ଚଢ଼େୟାଗଡ଼ ପାହାଡ଼ରେ କୁଖ୍ୟାତ ଅପରାଧୀ କୁନା ବେହେରା ଓ ତାର ସହଯୋଗୀ ରହିଥିବା ପୋଲିସ ଜାଣିବା ପରେ ଘଟଣାସ୍ଥଳରେ ପହଂଚି ସେମାନଙ୍କୁ କାବୁ କରିବା ପାଇଁ ଉଦ୍ୟମ କରିଥିଲା । ଅପରାଧି ଦ୍ୱୟ ପୋଲିସ ଉପରକୁ ଗୁଳି ଚଳାଇବା ସହ ବୋମାମାଡ଼ କରି ଘଟଣାସ୍ଥଳରୁ ଖସି ପଳାଇବାରେ ସକ୍ଷମ ହୋଇଛନ୍ତି । ତେବେ ଏଥିରେ କୌଣସି ପୋଲିସ କର୍ମୀ ଆହତ ହୋଇନଥିବା ଜଣାପଡିଛି । ପୋଲିସ ଅପରାଧୀ ଦ୍ୱୟଙ୍କ ଠାରୁ ଦୁଇଟି ଦେଶୀ ବନ୍ଧୁକ ଓ ୧୧ଟି ଜୀବନ୍ତ ଗୁଳି ଜବତ କରିଛି । କୁନା ଓ ତାର ସହଯୋଗୀ ନାମରେ ଜିଲ୍ଲାର ବିଭିନ୍ନ ଥାନାରେ ଏକାଧିକ ଅପରାଧିକ ମାମଲା ରହିଥିବା ନେଇ ପୋଲିସ ସୂତ୍ରରୁ ପ୍ରକାଶ ।
