ନୂଆପଡ଼ା, ନୂଆପଡା ଜିଲ୍ଲା ଖଡ଼ିଆଳ ବ୍ଲକ ବରଗାଁ ଗ୍ରାମରେ ସ୍ବର୍ଗତଃ ଘାସିରାମ ସୁନାରୀ ମେମୋରିଆଲ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଏକ ସପ୍ତାହ ଧରି ଚାଲିଥିବା ଏହି ଟୁର୍ଣ୍ଣାମେଣ୍ଟରେ ମୋଟ୍ ଆଠ ଗୋଟି ଦଳ ଭାଗ ନେଇଥିବା ବେଳେ ଶେଷରେ ନିର୍ଣ୍ଣାୟକ ମୋଡରେ ଆୟୋଜକ ବରଗାଁ ଦଳ ପ୍ରତିଦ୍ବନ୍ଦୀ ଦଳ କରଙ୍ଗାମାଳ ଦଳକୁ ଭେଟିଥିଲେ । ଦୁଇଦଳ ମଧ୍ୟରେ ସଂଘର୍ଷ ହୋଇଥିବା ବେଳେ ଶେଷରେ କରଙ୍ଗାମାଳ ଦଳ ବରଗାଁ ଦଳକୁ ୪-୨ ଗୋଲରେ ପରାସ୍ତ କରିଥିଲା ଏବଂ ବିଜୟ ଲାଭ କରି ଚାମ୍ପିୟାନ ହୋଇଥିଲା ।
ଏହି ଫାଇନାଲ ମ୍ୟାଚ ରେ ମୁଖ୍ୟ ଅତିଥି ଭାବରେ ପଶ୍ଚିମ ଓଡିଶା ବିକାଶ ପରିଷଦର ନେତା ଲମ୍ବୋଧର ନିଆଲ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବରେ ଗୋଦାବରୀଶ ନାଏକ ପୂର୍ବତନ ସରପଞ୍ଚ ବରଗାଁ, ବଦନକର ସୁନାରୀ, ଦୁର୍ଗା ମାଧବ ସୁନାରୀ, କିଶୋର ଚନ୍ଦ୍ର ଠେଲା, ସମାଜ ସେବୀ ବିଷ୍ଣୁ ସୁନାରୀ, ଜଗନ୍ନାଥ ସାଗର ଅତିଥି ଭାବରେ ଯୋଗ ଦେଇଥିଲେ ।ଶେଷରେ ପୁରସ୍କାର ବିତରଣ ସମୟରେ ଉତ୍ତମ ଗୋଲକିପର, ଉତ୍ତମ ଡିପେଣ୍ଡର, ଏବଂ ଉତ୍ତମ ଖେଳାଳୀ ସମସ୍ତଙ୍କୁ ଟ୍ରଫିଦେଇ ସମ୍ମାନିତ କରାଯାଇଥିଲା । ପ୍ରଥମ ପୁରସ୍କାର ୫000 ଟଙ୍କା ସିଲଡ଼ ସହ, ଦ୍ବିତୀୟ ପୁରସ୍କାର ୩000 ଟଙ୍କା ସିଲଡ଼ ସହ ଦିଆଯାଇଥିଲା ଏବଂ ଏହି ଖେଳରେ ଧାରା ବିବରଣୀ ପ୍ରଦାନ କରିଥିଲେ ପ୍ରକାଶ ପାତ୍ର ଓ ଜଗଦୀଶ ନାଗ । ଖେଳ ପରିଚାଳନା ଦାୟିତ୍ୱରେ ଦେବାଶିଷ ଯୋଶୀ, ସୁବାସ, ବୁଲୁ, ଡୋଲମଣୀ, ଚନ୍ଦ୍ରଶେଖର ରହିଥିଲେ ।
