କୈଳାଶ ଚନ୍ଦ୍ର ପଣ୍ଡା, ପୁରୀ
ଓଡିଶାର ବିଶିଷ୍ଟ କଣ୍ଠଶିଳ୍ପୀ ଶ୍ରୀ ଶିବପ୍ରସାଦ ଦାସ ଏବଂ ସୁନାମଧନ୍ୟ ଗାୟିକା ସୁଶ୍ରୀଦେବାଶୀ ଦାଶଙ୍କୁ ଶ୍ରୀମନ୍ଦିର ସିଂହଦ୍ଵାର ସମ୍ମୁଖଠାରେ ସମ୍ବୋଦ୍ଧିତ କରାଯାଇଛି । ଏହି କାର୍ଯ୍ୟକ୍ରମରେ ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ତଥା ରାଧାବଲ୍ଲବ ମଠର ମଠାଧୀଶ ମହନ୍ତ ଶ୍ରୀ ରାମକୃଷ୍ଣ ଦାସ
ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଶ୍ରୀମନ୍ଦିର ବରିଷ୍ଠ ସେବାୟତ ଭିତରଚ୍ଛ ଭବାନୀ ଶଙ୍କର ମହାପାତ୍ର ଏବଂ ବରିଷ୍ଠ ପୋଲିସ ଅଧିକାରୀ ଶ୍ରୀ ଯୋଗେଶ ସ୍ବାଇଁ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗଦେଇ ଦୁଇ କଣ୍ଠଶିଳ୍ପୀଙ୍କୁ ସମ୍ମାନୀତ କରିଥିଲେ । ଶ୍ରୀପୁରୁଷୋତମ ୱେବ୍ ଚ୍ୟାନେଲ୍ ଜରିଆରେ
ଏହି ଦୁଇ କଣ୍ଠଶିଳ୍ପୀଙ୍କ ସଂଗୀତ ଅଶୀ ଲକ୍ଷରୁ ଅଧିକ ଶ୍ରୋତାଙ୍କ ହୃଦୟ ଜିଣିପାରିଛନ୍ତି । ଓଡ଼ିଶାର ଘରେ ଘରେ ପରିଚିତ ସଂଗୀତ ନମସ୍ତେ ପ୍ରଭୁ ଜଗନ୍ନାଥ ଭଜନ ଦର୍ଶକଙ୍କ ଦ୍ବାରା ବେଶ ଆଦୃତ ହୋଇପାରିଛି ।
ଏହି କାର୍ଯ୍ୟକ୍ରମରେ ବିଶିଷ୍ଟ ଓଡିଶୀ ନୃତ୍ୟଶିଳ୍ପୀ କୁମାର ଭୀମସେନ୍, ଫୋଟଗ୍ରାଫର୍ ନିଗମ ପାତ୍ର,
ଯୁବ ସେବାୟତ ଟୁଲୁ ମହାପାତ୍ର, ଅଶୋକ ବେଜ ଓ ବିଶ୍ବଶାନ୍ତି ତ୍ରିପାଠୀ ପ୍ରମୁଖ ଯୋଗଦେଇଥିଲେ । ଶ୍ରୀପୁରୁଷୋତମ ସତସଂଘ ଅନୁଷ୍ଠାନର ପ୍ରତିଷ୍ଠାତା ବିଭୁ ନାରାୟଣ ପଟ୍ଟନାୟକ କାର୍ଯ୍ୟକ୍ରମ ପରିଚାଳନା କରିଥିଲେ।
