-
ଏସସିବିରୁ ଡିସଚାର୍ଜ ହେଲେ କ୍ୟାମେରାମ୍ୟାନ ପ୍ରଭାତ
କଟକ, ମୁଣ୍ଡୁଳି ବୋଟ୍ ଟ୍ରାଜେଡ଼ି ଘଟଣାରେ ଗୁରୁତର ହୋଇ ଚିକିତ୍ସାଧିନ ଥିବା କ୍ୟାମେରାମ୍ୟାନ ପ୍ରଭାତ ସିହ୍ନା ଆଜି କଟକ ବଡ଼ ମେଡ଼ିକାଲରୁ ଡିସଚାର୍ଜ ହୋଇଛନ୍ତି । ହାତୀ ଉଦ୍ଧାର ବେଳେ ଓଡ଼୍ରାଫ୍ ଟିମ୍ ସହ ଯାଇଥିଲେ କ୍ୟାମେରାମ୍ୟାନ ପ୍ରଭାତ ଓ ସାମ୍ବାଦିକ ଅରିନ୍ଦମ ଦାସ । ଦୁର୍ଘଟଣାରେ ସାମ୍ବାଦିକ ଅରିନ୍ଦମ ପ୍ରାଣ ହରାଇଥିବା ବେଳେ ଗୁରୁତର ଆହତ ହୋଇଥିଲେ କ୍ୟାମେରାମ୍ୟାନ ପ୍ରଭାତ । ସେ ଏସସିବି ମେଡ଼ିକାଲରେ ଚିକିତ୍ସାଧିନ ଥିଲେ ।
ପ୍ରକାଶ ଥାଉ କି, ଗତ ୨୪ ତାରିଖରେ ହାତୀକୁ ଉଦ୍ଧାର ଉଦ୍ୟମ ବେଳେ ମହାନଦୀ ମୁଣ୍ଡୁଳି ବ୍ୟାରେଜ୍ ନିକଟରେ ଓଲଟି ପଡିଥିଲା ଓଡ଼୍ରାଫ୍ ଟିମ୍ ର ଏକ ବୋଟ୍ । ଏହି ଦୁର୍ଘଟଣାରେ ସାମ୍ବାଦିକ ଅରିନ୍ଦମ ଦାସ ଓ ଓଡ଼୍ରାଫ ଟିମ୍ ର ଜଣେ ଯବାନ ସୀତାରାମ ମୁର୍ମୁଙ୍କ ମୃତ୍ୟୁ ଘଟିଥିଲା ।
