କେନ୍ଦୁଝର, କେନ୍ଦୁଝର ଜିଲ୍ଲା ବାମବାରୀ ଥାନା ଅନ୍ତର୍ଗତ ପୁରୁଣାପାଣି ଗ୍ରାମର ୨୫ ବର୍ଷିୟ ଯୁବକ ଚାମଣ୍ଡା ମୁଣ୍ଡା ଆଜି ସକାଳେ ଏକ ବଣୁଆ ହାତୀ ଆକ୍ରମଣର ଶିକାର ହୋଇ ପ୍ରାଣ ହରାଇଛନ୍ତି । ଚାମଣ୍ଡା ସବୁଦିନ ଭଳି ଗତକାଲି ରାତିରେ କ୍ଷେତ ଜଗିବାକୁ ଯାଇଥିଲେ । ଆଜି ସକାଳେ ସେ କ୍ଷେତରେ କରିଥିବା ମଂଚାରୁ ଓହ୍ଲାଇ ଘରକୁ ଫେରୁଥିବା ବେଳେ ହାତୀ ଆକ୍ରମଣର ଶିକାର ହୋଇଥିଲେ । ତାଙ୍କୁ ତୁରନ୍ତ ଚିକିତ୍ସା ନିମନ୍ତେ ଝୁମ୍ପୁରା ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରାଯାଇଥିଲେ ସୁଦ୍ଧା ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ସମ୍ପୃକ୍ତ ଅଂଚଳରେ ୧୧ ଟି ବଣୁଆ ହାତୀ ଚଳପ୍ରଚଳ କରୁଥିବା କାରଣରୁ ଲୋକ ମାନେ ଭୟଭିତ ଅବସ୍ଥାରେ ଅଛନ୍ତି । ବନ ବିଭାଗ ପକ୍ଷରୁ ହାତୀ ଘଉଡାଇବା ଦିଗରେ ପଦକ୍ଷେପ ନେବାକୁ ସାଧାରଣରେ ଦାବି ହେଉଛି ।
