ଗଞ୍ଜାମ, ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ଥାନା ଅନ୍ତର୍ଗତ କାଞ୍ଜିଆମ୍ମା ଗ୍ରାମରେ ଜଣେ ଯୁବକଙ୍କୁ ଗଛରେ ବାନ୍ଧି ମାଡ଼ ମରାଯିବାର ଭିଡ଼ିଓ ସାମାଜିକ ଗଣମାଧ୍ୟମରେ ଭାଇରାଲ୍ ହେବାରେ ଲାଗିଛି । ତେବେ କାହିଁକି ତାଙ୍କୁ ମାଡ ମରାଯାଇଛି, ସେ ସମ୍ପର୍କରେ ଏଯାବତ୍ ସ୍ପଷ୍ଟ ହୋଇନାହିଁ । ଶୁଣିବାକୁ ମିଳୁଛି ଯେ, ସମ୍ପୃକ୍ତ ଯୁବକ ଜଣକ ଗତକାଲି ରାତିରେ ଜଣକ ଘରେ ପଶିଥିବାରୁ ତାକୁ ଧରି ଗଛରେ ବାନ୍ଧି ମାଡ ମରାଯାଇଛି । ହିଞ୍ଜିଳି ପୋଲିସ ଏହି ଭାଇରାଲ୍ ଭିଡ଼ିଓ ବାବଦରେ ତଦନ୍ତ ଜାରୀ ରଖିଛି । ଅନ୍ୟପକ୍ଷରେ ପୀଡ଼ିତ ଯୁବକଙ୍କ ପକ୍ଷରୁ ଏନେଇ ଥାନାରେ କୌଣସି ଅଭିଯୋଗ ହୋଇନାହିଁ ।
