କୈଳାଶ ଚନ୍ଦ୍ର ପଣ୍ଡା, ପୁରୀ
ପୁରୀ ପୌରପାଳିକା ଅନ୍ତର୍ଗତ ୧ ନଂ ୱାର୍ଡର ଜଗନ୍ନାଥ ବସ୍ତିରେ ଆଜି ପର୍ଯ୍ୟନ୍ତ ନା ଅଛି ରାସ୍ତା ନା ଅଛି ନଳା ପାଣି ନିଷ୍କାସନ ବ୍ୟବସ୍ଥା | ବର୍ଷା ହେଲେ ଜମୁଛି ଆଣ୍ଠୁ ଉଚାର ପାଣି ଯାହା ଫଳ ରେ ଘରୁ ବାହାରିବା ବି ମୁସ୍କିଲ ହୋଇଯାଉଛି । ଛୋଟ ଛୋଟ ପିଲା ବି ପାଠ ପଢ଼ିଵା ପାଇଁ ଯିବାକୁ ବହୁତ୍ ଅସୁବିଧାର ସମ୍ମୁଖୀନ ହେଉଛନ୍ତି। ବସ୍ତି କୁ ରାସ୍ତା ଓ ନଳା ର ସୁବିଧା କରିବା ପାଇଁ ବସ୍ତିର ପ୍ରାୟ 20 ରୁ ଉର୍ଦ୍ଧ୍ୱ ବାସିନ୍ଦା ଆସୋସେସନ୍ ଅଫ୍ ଟୁଇଟର ଆକଟିଭିଷ୍ଟି (ଆଟା) ର ସଦସ୍ୟ ତଥା ସ୍ଥାନୀୟ ଯୁବକ ଆଦିତ୍ୟ ନାରାୟଣ ବାରିକ୍ ଓ ସୁଧାଂଶୁ ଜେନା ଙ୍କ ସହଯୋଗ ରେ ପୁରୀ ର ମାନନୀୟ ଜିଲ୍ଲାପାଳ ଙ୍କୁ ଭେଟି ଦାବିପତ୍ର ଦେଇଛନ୍ତି। ମାନନୀୟ ଜିଲ୍ଲାପାଳ ଶ୍ରୀ ସମର୍ଥ ବର୍ମା ଏହାର ତୁରନ୍ତ ସମାଧାନ କରିବା ପାଇଁ ପ୍ରତିଶ୍ରୁତି ଦେଇଛନ୍ତି।
