ନୂଆପଡା, ନୂଆପଡା ଜିଲ୍ଲା କୋମନା ଥାନା ଅନ୍ତର୍ଗତ ଘୋଟଶ୍ବର ଗାଁ ନିକଟରେ ଆଜି ଘଟି ଯାଇଛି ଏକ ଅଘଟଣ । ବାଲି ବୋଝେଇ ଚଳନ୍ତା ଟ୍ରାକ୍ଟରରୁ ଡେଇଁ ଚକ ତଳେ ପଡି ଡ୍ରାଇଭର ଗୁରୁତର ଆହତ ହୋଇଥିଲେ । ଅଗ୍ନିଶମ ବିଭାଗ ପକ୍ଷରୁ ତାଙ୍କୁ ଉଦ୍ଧାର କରାଯାଇ କୋମନା ଗୋଷ୍ଟି ସ୍ଵାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ ଡ୍ରାଇଭର ଜଣକ ଟିକ୍ରାପଡା ଗାଁର ଅର୍ଜୁନ ବୋଲି ଜଣାପଡିଛି । ଖବର ଲେଖା ହେବା ପର୍ଯ୍ୟନ୍ତ ସେ ଟ୍ରାକ୍ଟରରୁ ଡେଇଁ ଆତ୍ମହତ୍ୟା କରିବାର କାରଣ ଜଣାପଡିନାହିଁ ।
