ଭୁବନେଶ୍ୱର – ଚେନ୍ନାଇରୁ ଭୁବନେଶ୍ୱରକୁ ଆସୁଥିବା ସ୍ପାଇସ୍ ଜେଟ୍ ଏୟାରୱେଜ୍ ୬୨୩ ଭୁବନେଶ୍ୱରରେ ଜରୁରୀକାଳୀନ ଅବତରଣ କରିଛି । ଏଥିରେ ଆସୁଥିବା ୪୮ ବର୍ଷ ବୟସ୍କ ଯାତ୍ରୀ ଅଶୋକ ଶର୍ମା ଶ୍ୱାସକ୍ରିୟାରେ ଯନ୍ତ୍ରଣା ଅନୁଭବ କରୁଥିବାରୁ ଏହି ବିମାନ ଆଜି ପୂର୍ବାହ୍ନ ୧୧ଟା ୧୫ ମିନିଟ୍ ଜରୁରୀ ଅବତରଣ କରିଥିଲା । ୧ ନଂ ଟର୍ମିନାଲ୍ କୁ ତାଙ୍କୁ ଅଣାଯିବା ପରେ ଏକ ଘରୋଇ ହସ୍ପିଟାଲକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ପରୀକ୍ଷା କରିଥିଲେ ଏବଂ ମୃତ ଘୋଷଣା କରିଥିଲେ । ପରେ ଶବ ବ୍ୟବଚ୍ଛେଦ ନିମନ୍ତେ କ୍ୟାପିଟାଲ ହସ୍ପିଟାଲକୁ ନିଆଯାଇଥିଲା । ଅନ୍ୟପକ୍ଷରେ ଶ୍ରୀ ଶର୍ମାଙ୍କ ମୃତ୍ୟୁ ସମ୍ପର୍କରେ ତାଙ୍କ ପରିବାରକୁ ଅବଗତ କରିଦିଆଯାଇଛି ।
