ନୂଆପଡା, ନୂଆପଡା ଜିଲ୍ଲା କୋମନା ପାଇକପଡାସ୍ଥିତ ମାଁ ସମଲେଶ୍ବରୀ କ୍ରୀଡା ଓ ସାଂସ୍କୃତିକ ଅନୁଷ୍ଠାନ ଓ ଗଣେଶ ପୂଜା କମିଟି ତରଫରୁ ନୂଆଖାଇ ଭେଟଘାଟ୍ ଆୟୋଜିତ ହୋଇଯାଇଛି । ଏହି କାର୍ଯ୍ୟକ୍ରମରେ ବରିଷ୍ଠ ସାମ୍ବାଦିକ ମାୟାଧର ସରାଫ ମୁଖ୍ୟ ଅତିଥି ଭାବେ ଯୋଗଦାନ କରିଥିବା ବେଳେ ସମଲେଶ୍ବରୀ ମନ୍ଦିର ପୂଜକ ଶିଆରାମ ପୁଜାରୀ, ନାଟ୍ୟକାର କୁମୁଦ ସିଂ ମଲ୍ଲିକ, କୁଞ୍ଜ ରାଉତ, ବ୍ରଜ ମୋହନ ଦଳପତି ସମ୍ମାନୀତ ଅତିଥି ଭାବେ ଯୋଗଦାନ କରିଥିଲେ । ଅନୁଷ୍ଠାନର ସଭାପତି ସୁନୀଲ ସରାଫ ସଭାପତିତ୍ବ କରିଥିଲେ । ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ନିମନ୍ତେ ପ୍ରତିଭାମାନଙ୍କୁ ସମ୍ମାନୀତ କରାଯାଇଥିଲା । ନାଟ୍ୟକାର କୁମୁଦ ସିଂ ମଲ୍ଲିକ, ବାଦ୍ୟକାର ଅମରନାଥ ନାଏକ, ବାଦ୍ୟକାର ପରମାନନ୍ଦ ନାଏକ, କଣ୍ଠଶିଳ୍ପୀ ରମେଶ ଚନ୍ଦ୍ର ମଲ୍ଲିକ, କଣ୍ଠଶିଳ୍ପୀ ବଳରାମ ସରାଫ, କଣ୍ଠଶିଳ୍ପୀ ଗଣେଶ ନାଏକ, କଣ୍ଠଶିଳ୍ପୀ କାର୍ତ୍ତିକ ନାଏକ, ଚିତ୍ରକର ଗୌରାଙ୍ଗ ମଲ୍ଲିକ, ଚିତ୍ରକର ମକୁନ୍ଦ ନାଏକ, ଅଭିନେତା ଚିତୢ ସରାଫ ପ୍ରମୁଖଙ୍କୁ ସମ୍ମାନୀତ କରାଯାଇଥିଲା । ମନୋଜ ମୋହନ ମଲ୍ଲିକ କାର୍ଯ୍ୟକ୍ରମ ପରିଚାଳନା କରିଥିଲେ ।
