ଜଟଣୀ – ଖୋର୍ଦ୍ଧାରୋଡ ଟ୍ରାଫିକ କଲୋନୀ ସ୍ଥିତ କାଳି ମନ୍ଦିର ସମୁଖରୁ ପୁର୍ବାହ୍ନରେ ଜଟଣୀ ଥାନା ପୁଲିସ ଜଣେ ଅଜଣା ମହିଳାଙ୍କ ମୃତ ଦେହକୁ ଉଦ୍ଧାର କରିଛି ।
ସୁଚନାନୁସାରେ, ଶନିବାର ପୁର୍ବାହ୍ନ ୯ ଟା ବେଳେ ଜଟଣୀ ଥାନା ପୁଲିସକୁ ଟ୍ରାଫିକ କଲୋନୀ ଠାରେ ଥିବା କାଳି ମନ୍ଦିରରୁ ଜଣେ ବ୍ୟକ୍ତି ଏଠାରେ ଏକ ମୃତ ଦେହ ପଡିଥିବା ସୁଚନା ଦେଇଥିଲେ । ଘଟଣା ସ୍ଥଳରେ ପୁଲିସ ପହଂଚି ଉକ୍ତ ମହିଳାଙ୍କ ଶବ ଉଦ୍ଧାର କରି ବ୍ୟବଛେଦ ପାଇଁ କ୍ୟାପିଟାଲ ହସ୍ପିଟାଲକୁ ପଠାଇବା ସହ ତଦନ୍ତ ଆରମ୍ଭ କରିଥିଲା । ମୃତ ମହିଳାଙ୍କ ପରିଚୟ ମିଳି ନ ଥିବା ବେଳେ ସେ ଏକ ନୀଳ ରଂଗର ଶାଢୀ,ହାତରେ ୨ ପଟ ଲେଖାଁଏ ପିତଳ ଚୁଡି, ବାମ ହାତ ଆଂଗୁଠିରେ ୨ଟି ମୁଦି ରହିଛି । ମଂଦିର ସମୁଖରେ ଏକ ଫ୍ଲେକ୍ସ ଉପରେ ଶୋଇ ରହିଥିବା ଦେଖିବାକୁ ମିଳିଥିଲା । ପୁଲିସ ଉକ୍ତ ମୃତ ମହିଳାଟି ଭିକ୍ଷୁକ ବୋଲି ଅନୁମାନ କରିଛି । ଏ ନେଇ ଜଟଣୀ ଥାନା କେଶ ନଂ ୬୨/୧୯ ରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
