କୈଳାଶ ଚନ୍ଦ୍ର ପଣ୍ଡା,ପୁରୀ
ଶ୍ରୀମନ୍ଦିରରେ ଅଘଟଣ ରୋଷଘରୁ ଛେକ ବୋହିବା ବେଳେ ଗରମ ଡାଲି ପଡି ଯୁବ ସେବାୟତ ଆହତ। ଆହତ ସେବାୟତ ହେଉଛନ୍ତି ପୁରୀ ଗୌଡବାଡି ସାହିର ବିଶ୍ବଜିତ ମହାସୁଆର। ଶ୍ରୀମନ୍ଦିର ପ୍ରଶାସନ ଆମ୍ବୁଲାନ୍ସରେ ତାଙ୍କୁ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ବିଶ୍ବଜିତଙ୍କ ହାତ, ଗୋଡ ପିଠିରେ ଗରମ ଡାଲି ପଡିଯିବା ଯୋଗୁଁ ପୋଡିଯାଇଛି। ଏନେଇ ଶ୍ରୀମନ୍ଦିର ନୀତିକାନ୍ତିରେ କୌଣସି ପ୍ରଭାବ ପଡିନାହିଁ। ତେବେ ବିଶ୍ବଜିତଙ୍କୁ ହସପିଟାଲର ପୋଡାଜଳା ବିଭାଗରେ ଭର୍ତ୍ତି କରାଯାଇଥିବା ବେଳେ ସେଠାରେ ଏସି, ଫ୍ୟାନ କିଛି ଚାଲୁନଥିବା ଅଭିଯୋଗ ହୋଇଛି। ଏନେଇ ଆହତ ସେବାୟତଙ୍କ ସମ୍ପର୍କୀୟ ହସପିଟାଲ କର୍ତ୍ତୁପକ୍ଷ ଓ କର୍ମଚାରୀଙ୍କୁ ଯୋଗାଯୋଗ କରିଥିଲେ ମଧ୍ୟ ସେମାନେ ଏହି ଘଟଣାକୁ ହାଲୁକା ଭାବେ ନେଇଛନ୍ତି। ଯାହା ଫଳରେ ହସପିଟାଲରେ କିଛି ସମୟ ପାଇଁ ଉତ୍ତେଜନା ସୃଷ୍ଟି ହୋଇଥିଲା।
