କୈଳାଶ ଚନ୍ଦ୍ର ପଣ୍ଡା,ପୁରୀ
ପିପିଲି ଉପ ନିର୍ବାଚନରେ ପ୍ରତିଦ୍ବନ୍ଦ୍ବୀ ଥିବା ସମସ୍ତ ପ୍ରାର୍ଥୀ, ସେମାନଙ୍କ ପୋଲିଂ ଓ କାଉଣ୍ଟିଂ ଏଜେଣ୍ଟ, ଡ୍ରାଇଭର ଏବଂ ଯେଉଁମାନେ ନିର୍ବାଚନ ଅଧିକାରୀ ମାନଙ୍କ ସଂସ୍ପର୍ଶରେ ଆସିବେ ସମସ୍ତେ ଦୁଇଟି ଯାକ କୋଭିଡ ଟୀକା ନେଇଥିବା ଆବଶ୍ଯକ । ମତଦାନ ଓ ଭୋଟ ଗଣତି ଦିନ ଏବଂ ନିର୍ବାଚନ ସଂକ୍ରାନ୍ତୀୟ ବୈଠକରେ ଭାଗ ନେଉଥିବା ନିଜେ ପ୍ରାର୍ଥୀ କିମ୍ବା ସେମାନଙ୍କ ପ୍ରତିନିଧି ଆବଶ୍ୟକ ସ୍ଥଳେ ଦୁଇଟି ଯାକ କୋଭିଡ ଟୀକା ନେଇଥିବା ପ୍ରମାଣପତ୍ର ଦେଖାଇବାକୁ ପରାମର୍ଶ ଦିଆଯାଇଛି । କୋଭିଡ କଟକଣାକୁ ଦୃଷ୍ଟିରେ ରଖି ଏ ସଂକ୍ରାନ୍ତରେ ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ଜାରି ନିର୍ଦ୍ଦେଶନାମାକୁ ଭିତ୍ତିକରି ଅତିରିକ୍ତ ଜିଲ୍ଲାପାଳ ତଥା ରିଟର୍ଣ୍ଣିଂ ଅଫିସର ଶ୍ରୀ ପ୍ରଦୀପ କୁମାର ସାହୁ ସମସ୍ତ ପ୍ରାର୍ଥୀ ମାନଙ୍କୁ ପରାମର୍ଶ ଦେଇଛନ୍ତି ।
