ମାଲକାନଗିରି, ମାଲକାନଗିରି ଜିଲ୍ଲା କାଲିମେଳା ବ୍ଲକ ସଦର ମହକୁମାର ମୁଖ୍ୟ ଛକର ପଞ୍ଚାନନ ମନ୍ଦିର ପଛପଟେ ରହୁଥିବା ଅସହାୟ ମହିଳା ସବିତା ରାୟଙ୍କୁ ମାଲକାନଗିରିର ଡିପ୍ଲୋମା ଇଞ୍ଜିନିୟର୍ସ ସଂଘ ସଦସ୍ୟ ମାନେ ଭେଟିବା ସହ ୫ ହଜାର ଟଙ୍କାର ସହାୟତା ରାଶି ପ୍ରଦାନ କରିଛନ୍ତି । ଏଥିସହ ତାଙ୍କ କନିଷ୍ଠ ଯନ୍ତ୍ରୀ ପୁଅ କାହିଁକି ତାଙ୍କୁ ପଚାରୁନାହାନ୍ତି ଏବଂ ସେ ପୁଅ ବିରୋଧରେ କରିଥିବା ଅଭିଯୋଗ ବିଷୟରେ ପଚାରି ବୁଝିଥିଲେ । ଏହାପରେ ମା, ପୁଅ କିପରି ପୂର୍ବ ଭଳି ମିଳିମିଶି ରହିବେ ସେ ନେଇ ଆଲୋଚନା କରିଥିଲେ ।
ଏହି ଅବସରରେ ସଂଘର ସମ୍ପାଦକ ପ୍ରଶାନ୍ତ କୁମାର ବେହେରା, ଉପଦେଷ୍ଟା ରବିନାରାୟଣ ସାହୁ, ସଦସ୍ୟ ରଞ୍ଜିତ ନାୟକ ଓ କାଲିମେଳା ବ୍ଲକର କନିଷ୍ଠ ଯନ୍ତ୍ରୀ ସୁନନ୍ଦା କାନୁନଗୋ ଓ ଦିବ୍ୟସିଂହ ବ୍ରହ୍ମା ପ୍ରମୁଖ ଉପସ୍ଥିତ ଥିଲେ ।
