ମାଲକାନଗିରି, ମାଲକାନଗିରି ଜିଲ୍ଲା ମାଟେରୁ ପଞ୍ଚାୟତରେ ଆଜି ବିଜୁ ଯୁବ ଓ ଛାତ୍ର ଜନତା ଦଳର ଏକ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଏହି ଅବସରରେ ବହୁ ସଂଖ୍ୟାରେ ଅନ୍ୟ ଦଳୀୟ କର୍ମୀ ମାନେ ବିଜେଡ଼ିରେ ଯୋଗଦାନ କରିଥିଲେ । ଏଥିରେ ପୂର୍ବତନ ସ୍ଵତନ୍ତ୍ର ବିକାଶ ପରିଷଦ ଅଧକ୍ଷ ତଥା ଜିଲ୍ଲା ବିଜୁ ଯୁବ ଜନତା ଦଳ ସଭାପତି ଆଡମା ରାବା ଓ ଛାତ୍ର ଜନତା ଦଳର ସଭାପତି ତାପସ ରଞ୍ଜନ ନାଏକ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ବହୁ ଦଳୀୟ କର୍ମୀ ମାନେ ଯୋଗ ଦେଇଥିଲେ । ଏହି ଅବସରରେ ଅଞ୍ଚଳରେ ଦୀର୍ଘ ଦିନରୁ କଂଗ୍ରେସ ଓ ବିଜେପିରେ କାର୍ଯ୍ୟରତ ବହୁ ଯୁବ କର୍ମୀ ବିଜୁ ଯୁବ ଓ ଛାତ୍ର ଜନତା ଦଳରେ ସାମିଲ ହୋଇଥିଲେ । ଏହି କାର୍ଯ୍ୟକ୍ରମରେ ପଡିଆ ବ୍ଲକ ସାଂସଦ ପ୍ରତିନିଧି ସି.ଏଚ୍ ରାବିଡ୍ କୁମାର, ଜିଲ୍ଲା ବିଜୁ ଯୁବ ଜନତା ଦଳ ସଂପାଦକ ମେସାକ୍ ମାଦ୍ରୀ, ବିଜୁ ଯୁବ ଜନତା ଦଳର ଡିଜିଟାଲ ସେକ୍ରେଟାରୀ ମନୋଜ ପଟ୍ଟନାୟକ, ଲଛମନ ମାଡକାମି, ପ୍ରଫୁଲ୍ଲ ହରିଜନ ଓ ରାହୁଲ ରାଓ ପ୍ରମୁଖ ଉପସ୍ଥିତ ଥିଲେ ।
