-
ଶିକ୍ଷୟିତ୍ରୀ ବହିଷ୍କୃତ
ଗଞ୍ଜାମ, ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ପାଟପୁର ପ୍ରାଥମିକ ବିଦ୍ୟାଳୟରେ ଶିକ୍ଷୟିତ୍ରୀ ଭାବେ କାର୍ଯ୍ୟରତ ଶାନ୍ତିଲତା ସେଠୀ ମିଥ୍ୟା ଜାତିଗତ ପ୍ରମାଣପତ୍ର ଆଧାରରେ ଚାକିରୀ କରିଥିବା ଅଭିଯୋଗରେ ତାଙ୍କୁ ଚାକିରୀରୁ ବହିଷ୍କୃତ କରାଯାଇଛି । ସେ ବ୍ରାହ୍ମଣ ଜାତିର ହୋଇଥିବା ବେଳେ ଚାକିରୀ ହାତେଇଛନ୍ତି ଧୋବା ଜାତି ପ୍ରମାଣପତ୍ର ଜରିଆରେ । ଏନେଇ ଜିଲ୍ଲାପାଳଙ୍କ ନିକଟରେ ଅଭିଯୋଗ ହୋଇଥିଲା । ଜିଲ୍ଲାପାଳ ଏନେଇ ତଦନ୍ତ ନିର୍ଦ୍ଦେଶ ଦେଇଥିବା ବେଳେ ବ୍ଲକ୍ ଶିକ୍ଷା ଅଧିକାରୀ ସୋରଡ଼ା ତହସିଲଦାରଙ୍କ ମାଧ୍ୟମରେ ସାର୍ଟିଫିକେଟ ଯାଂଚ୍ ବେଳେ ଶିକ୍ଷୟତ୍ରୀଙ୍କ ଜାତି ସେଠୀ ନୁହେଁ ବରଂ ବ୍ରାହ୍ମଣ ବୋଲି ଜଣାପଡିଥିଲା । ସୋରଡ଼ା ତହସିଲଦାର ପତ୍ର ସଂଖ୍ୟା ୨୪୦୯/୦୮ ରେ ଏନେଇ ସୂଚନା ପ୍ରଦାନ କରିଛନ୍ତି । ଏହାକୁ ଆଧାର କରି ଚିଠି ନଂ ୧/୯୩ ରେ ଶାନ୍ତିଲତାଙ୍କୁ ଚାକିରୀରୁ ବହିଷ୍କୃତ କରାଯାଇଥିବା ବ୍ଲକ୍ ଶିକ୍ଷା ଅଧିକାରୀ ସୂଚନା ଦେଇଛନ୍ତି ।
