-
ପେଣ୍ଠକଟାରୁ ୪ ଦୁର୍ବୃତ୍ତ ଗିରଫ
କୈଳାଶ ଚନ୍ଦ୍ର ପଣ୍ଡା,ପୁରୀ
ସମୁଦ୍ରକୂଳ ଥାନାର ଏଏସ୍ଆଇ ପ୍ରସନ୍ନ ପଟ୍ଟନାୟକଙ୍କ ଅଭିଯୋଗ କରିଥିଲେ ଯେ ସେ ପାଟ୍ରୋଲିଂ କରୁଥିବାବେଳେ ପେଣ୍ଠକଟା ବଜାରରେ କେତେକ ଦୁର୍ବୃତ୍ତ ଖଣ୍ଡା ଓ ଭୁଜାଲି ଦେଖାଇ ଦାଦାବଟି ମାଗି ଆତଙ୍କ ସୃଷ୍ଟି କରୁଛନ୍ତି। ସେ ସଦଳବଳ ସେଠାରେ ପହଞ୍ଚି ଦୁବୃତ୍ତମାନଙ୍କୁ ଧରିବାକୁ ଉଦ୍ୟମ କରିବାବେଳକୁ ସେମାନେ ପୁଲିସକୁ ମଧ୍ୟ ଭୟଭୀତ କରାଇଥିଲେ। ପୁଲିସ ଘଟଣାସ୍ଥଳରୁ ସମୁଦ୍ରକୂଳ ଥାନା ଅନ୍ତର୍ଗତ ଧୋବାଖାଲର ତାରିଣୀ ବସ୍ତି ନିବାସୀ ରାମଚନ୍ଦ୍ର ନାୟକ, ହରଚଣ୍ଡୀ ବସ୍ତି ଧୋବାଖାଲର ଜଗା ସାହୁ, ବାଲେଶ୍ଵରର ସୋର ଥାନା ଅନ୍ତଗର୍ତ ମହୁ ମୁହାଣ ନିବାସୀ ବାପୁନୁ ଭୋଳ, ଶୋଲାଖିଆ ବରଗଛ ଶଙ୍କରାଚାର୍ଯ୍ୟ ଲେନ ବାପି ଓରଫ ଜଗନ୍ନାଥ ମହାନ୍ତିକୁ ଧରିବାରେ ସକ୍ଷମ ହୋଇଥିଲେ । ସମୁଦ୍ରକୂଳ ଥାନାରେ ମାମଲା ରୁଜୁ କରି ପୁଲିସ ଏହି ୪ ଜଣଙ୍କୁ ଗିରଫ କରିଛି। ସେମାନଙ୍କ ନିକଟରୁ ପୁଲିସ ଗୋଟିଏ ଭୁଜାଲି ଓ ତିନିଟି ଖଣ୍ଡା ଜବତ କରିଛି।
