ନୂଆପଡ଼ା – ନୂଆପଡା ଜିଲ୍ଲା ଖଡିଆଳ ପବ୍ଲିକ ସ୍କୁଲ ପକ୍ଷରୁ ଆଜି କଲାହାଣ୍ଡି ସାଂସଦ ବସନ୍ତ କୁମାର ପଣ୍ଡାଙ୍କୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଏହି ଅବସରରେ ଅନୁଷ୍ଠିତ ସମ୍ବର୍ଦ୍ଧନା ଉତ୍ସବରେ ସ୍କୁଲ ଅଧ୍ୟକ୍ଷ ଏସ. ଶ୍ରୀନିବାସ ଅଧ୍ୟକ୍ଷତା କରିଥିବାବେଳେ ସ୍କୁଲ ପରିଚାଳନା ସଭାପତି ଫଣିନ୍ଦମ ଦେଓ, ସମ୍ପାଦକ ଅର୍ଜୁନ ପଣ୍ଡା ପ୍ରମୁଖ ମଂଚାସିନ ରହି ସାଂସଦଙ୍କୁ ସମ୍ବର୍ଦ୍ଧନା ଜ୍ଞାପନ କରିଥିଲେ । ଏହି ଅବସରରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସଭାରେ ପରିଚାଳନା ସଦସ୍ୟ ଆଜିମ ଖାନ, ପ୍ରବୀଣ ପଟ୍ଟନାୟକ, ତପନ ଦାଶ, ସୁନୀଲ କୁମାର ପ୍ରଧାନ, ଜ୍ୟୋତିଲାଲ ବଞ୍ଜାରେ ପ୍ରମୁଖ ସହଯୋଗ ଦେଇଥିଲେ । ସାଂସଦ ସ୍କୁଲ ପରସର ମଧ୍ୟରେ ଏକ ଉନ୍ନତ ଧରଣର ମଂଚ ଓ ପ୍ରେକ୍ଷାଳୟ ନିର୍ମାଣ ନେଇ ପ୍ରତିଶୃତି ଦେଇଥିବା ସୂଚନା ମିଳିଛି ।
