ଗଞ୍ଜାମ, ଗଜପତିରୁ ବିହାର ଗଞ୍ଜେଇ ଚାଲାଣ ପାଇଁ ଯୋଜନା ଚାଲିଥିବା ବେଳେ ବ୍ରହ୍ମପୁର ସଦର ଥାନା ପୋଲିସ ଏନେଇ ଆଗୁଆ ଖବର ପାଇ ପଦରବାଲି ଛକରେ ଗାଡି ଯାଂଚ୍ କରିବା ବେଳେ ପଶ୍ଚିମବଙ୍ଗ ନମ୍ବର ଥିବା ଏକ ଟ୍ରକ୍ ଡବ୍ଲ୍ୟୁବି୨୫ ଜି-୮୬୮୪ କୁ ସନ୍ଦେହରେ ଅଟକ ରଖି ଯାଂଚ୍ କରିଥିଲା ପୋଲିସ । ଯାଂଚ୍ ବେଳେ ଟ୍ରକ୍ ର ସିକ୍ରେଟ୍ ଚ୍ୟାମ୍ବରରୁ ୩୮୫ କେଜି ଗଞ୍ଜେଇକୁ ପୋଲିସ ଜବତ କରିଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ୩୯ ଲକ୍ଷ ୨୫ ହଜାର ହେବ । ଗଞ୍ଜେଇ ଚାଲାଣରେ ବ୍ୟବହୃତ ଟ୍ରକ୍ କୁ ଜବତ କରିବା ସହ ଘଟଣାରେ ଦୁଇ ଜଣଙ୍କୁ ଗିରଫ କରିଛି ପୋଲିସ । ଗିରଫ ଦୁଇ ଅଭିଯୁକ୍ତ ହେଲେ ଅରବିନ୍ଦ କୁମାର (୨୮), ନୀତିଶ କୁମାର (୨୩) । ଦୁହିଁଙ୍କ ଘର ବିହାରର ବୈଶାଳୀ ଜିଲ୍ଲା ଜୁରାୱାନପୁର ଥାନା ଅନ୍ତର୍ଗତ ବୀରପୁର ଗ୍ରାମରେ ।
