ନୂଆପଡ଼ା, ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ଖିପ୍ରିମାଲ ଗ୍ରାମ ଠାରେ ସିନାପାଲି ଗାୟତ୍ରୀ ଶକ୍ତି ପିଠ ତରଫରୁ ଅଖିଳ ବିଶ୍ୱ ଗାୟତ୍ରୀ ପରିବାର ଶାନ୍ତି କୁଞ୍ଜ ହରିଦ୍ଵାରର ସ୍ୱର୍ଣ୍ଣ ଜୟନ୍ତୀ ଉପଲକ୍ଷେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସିନାପାଲି ବିଡିଓ ସଦାଶିବ ନାୟକ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଫରେଷ୍ଟର ଖଗେଶ୍ୱର ମାଝି, ଗୋର୍ଲା ସରପଂଚ ଦିଲିପ କୁମାର ମାଝି, ଶିକ୍ଷାବିତ ସତ୍ୟବ୍ରତ ଗହିର, ସିନାପାଲି ଗାୟତ୍ରୀ ଶକ୍ତି ପିଠ ସଂପାଦକ ତ୍ରୀନାଥ ମେହେର, ମଂଚାସୀନ ଥିଲେ ।
କାର୍ଯ୍ୟକ୍ରମରେ ପୂର୍ଣ୍ଣଚନ୍ଦ୍ର ମେହେର ସଭାପତିତ୍ୱ କରିଥିବା ବେଳେ ତରୁଣ କୁମାର ମେହେର ପରିଚାଳନା କରିଥିଲେ । କ୍ଷମାଧର ନିଆଲ ଦିନେଶ ମେହେର, ହରେକୃଷ୍ଣ ମେହେର, ଶ୍ରୀକାନ୍ତ ମେହେର ସହ ଉକ୍ତ ଅଞ୍ଚଳ ତଥା ସିନାପାଲି ଗାୟତ୍ରୀ ପରିବାର ଶକ୍ତି ପିଠର ମହିଳାଙ୍କ ସ୍ୱାବଲମ୍ବନ ଆଶ୍ରମ ହାତିବନ୍ଧାର କର୍ମକର୍ତ୍ତା ସହଯୋଗ କରିଥିଲେ। ଜନ୍ମାଷ୍ଟମୀ ଉପଲକ୍ଷେ ପ୍ରଥମେ କଦମ୍ବ ଗଛ ରୋପଣ କରି ମୋଟ୍ ୧୫୦ ଟି ଗଛ ରୋପଣ କରିଥିବା ବେଳେ ପଣସ, ଅଁଳା, ବରଗଛ, ସମେତ ଅନ୍ୟାନ୍ୟ ଗଛ ଲଗାଯାଇଥିଲା । ଖିପ୍ରିମାଲ ଗ୍ରାମବାସୀ ଏହାର ରକ୍ଷଣାବେକ୍ଷଣ ପାଇଁ ସଂକଳ୍ପ ନେଇଥିଲେ ।
