ନୂଆପଡା, ଆସନ୍ତା ୧୧ ତାରିଖରେ ପଶ୍ଚିମ ଓଡ଼ିଶାରେ ଗଣପର୍ବ ନୂଆଁଖାଇ ପାଳନ ହେବାକୁ ଥିବା ବେଳେ ଖଡ଼ିଆଳ ଅଞ୍ଚଳ ପାଇଁ ଆଜି ଲଗ୍ନ ଧାର୍ଯ୍ୟ କରାଯାଇଛି । ଆଜି ଖଡ଼ିଆଳ ରାଜ ଦରବାରରେ ଯୁବରାଜ ଦେଵ ଦେଵ ସିଂ ଦେଵ, ରାଜ ପୁରୋହିତ ପ୍ରଫୁଲ୍ଲ କୁମାର ରଥ, ପୁରୋହିତ ସୁଦର୍ଶନ ଠାକୁର, ଘାସିରାମ ପଣ୍ଡା, ପ୍ରସନ୍ନ ପଣ୍ଡା, ସମଲେଶ୍ବରୀ ମନ୍ଦିର ପୂଜକ ବ୍ରଜକିଶୋର ଦଣ୍ଡସେନା, ରକ୍ତାମ୍ବରୀ ମନ୍ଦିର ପୂଜକ ଗଣେଶ ଚନ୍ଦ୍ର ପ୍ରଧାନୀ ଯୋଗଦେଇ ଲଗ୍ନ ବାହାର କରିଥିଲେ । ୧୦ତାରିଖ ମଧ୍ୟ ରାତ୍ରୀରେ ଦୁଇ ଇଷ୍ଟଦେବୀଙ୍କ ପାଖରେ ନବାନ୍ନ ଲାଗିହେବ । ୧୧ତାରିଖରେ ପୂର୍ବାହ୍ନ ୧୦ଟା ୪୦ରୁ ୧୧ଟା ୪୫ ମିନିଟ ମଧ୍ୟେ ତୁଳା ରାଶି ବିଛାଲଗ୍ନରେ ଅଞ୍ଚଳବାସୀ ନୂଆଁ ଖାଇବେ । କୋଭିଡ ନିୟମ ମାନି ସମସ୍ତେ ନବାନ୍ନ ଖାଇବାକୁ ଯୁବରାଜ ଦେଵ ଦେଵ ସିଂ ଦେଵ ଅନୁରୋଧ କରିଛନ୍ତି ।
ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଶିଵ ରମଣ ସିଂ ଦେଓ, ବିଜୟ ବାରିକ ଓ ଯୁଗଳ କିଶୋର ଦଣ୍ଡସେନା ପ୍ରମୁଖ ଉପସ୍ଥିତ ଥିଲେ ।
