ଭଞ୍ଜନଗର – ଦିନ କୁ ଦିନ ସଭ୍ୟ ସମାଜରେ ଲୋକମାନେ ଅନ୍ଧ ବିଶ୍ୱାସ ଓ କୁସଂସ୍କାର କୁ ବିଶ୍ୱାସ କରି ନିଜର ସର୍ବସ୍ବ ହରାଉଛନ୍ତି l ହେଲେ ସଚେତନତା ଅଭାବ ରୁ ଏହା ଏକ ସାମାଜିକ ବ୍ୟାଧି ପାଲଟିଛି l ତେଣୁ ଏସବୁ ଠାରୁ ଦୁରେଇରହିବା ପାଇଁ ସ୍ଥାନୀୟ ବାଉଁଶ ଲୁଣ୍ଡି ରାଧା କୃଷ୍ଣ ପାଠାଗାର ଠାରେ ଗୁଣି ଗାରେଡି ସମ୍ପର୍କିତ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଏଥିରେ ସଭାପତି ବନମାଳୀ ଲେଙ୍କା, ମୁଖ୍ୟ ଅତିଥି ହେତୁବାଦୀ ସମାଜ ର ସଂଯୋଜକ ଦେବେନ୍ଦ୍ର ସୁତାର, ସମ୍ମାନିତ ଅତିଥି କୁଞ୍ଜ ବିହାରୀ ପଣ୍ଡା, ଓକିଲ ସଂଘ ସଭାପତି ଅଭିମନ୍ୟୁ ଗୌଡ଼ ଉପସ୍ଥିତ ଥିଲେ l ବୈଜ୍ଞାନିକ ଯୁଗରେ ଗୁଣି ଗାରେଡି କୁ ବିଶ୍ୱାସ କରି ମଣିଷ ନିଜର ଧନ ଜୀବନ ହରାଇ ସର୍ବସ୍ୱାନ୍ତ ହେଉଛି l ତେଣୁ ଏସବୁ କଥାରେ ପ୍ରଭାବିତ ନହେବା ପାଇଁ ଅତିଥିମାନେ କହିଥିଲେ l ଏଥିରେ ନେତାଜୀ ବିଷୋୟୀ, ରବୀନ୍ଦ୍ର ଗୌଡ଼, ନିରଞ୍ଜନ ପ୍ରଧାନ, ହରି କୃଷ୍ଣ ସାହୁ, ଭଞ୍ଜ ପ୍ରଧାନ, ପଦ୍ମ ଚରଣ ପ୍ରଧାନ ଓ ଅନ୍ୟମାନେ ନିଜ ନିଜ ମତାମତ ଦେଇଥିଲେ l
