ମାଲକାନଗିରି, ମାଲକାନଗିରି ଜିଲ୍ଲା ଖଇରପୁଟ ବ୍ଲକ କୁଡୁମୁଲୁଗୁମ୍ମା ଗ୍ରାମ ପଞ୍ଚାୟତ ଅନ୍ତର୍ଗତ ପଦୀଆପାଲ୍ଲି ଗ୍ରାମର ଜଣେ ୧ ୭ ବର୍ଷୀୟା ନାବାଳିକା କୁ ଦୁଷ୍କର୍ମ ଅଭିଯୋଗରେ ରାମଚନ୍ଦ୍ର ଦଣ୍ଡସେନା ନାମକ ଯୁବକକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । ଏଥି ପୁର୍ବରୁ ରାମଚନ୍ଦ୍ର ଉକ୍ତ ଝିଅକୁ ବିଭିନ୍ନ ପ୍ରକାରର ପ୍ରଲୋଭନ ଦେଖାଇ ତା ସହିତ ଅନୈତିକ ସମ୍ପର୍କ ରଖିଥିଲା ଓ ଏହି ବିଷୟରେ ଝିଅର ବାପା ମା ଜାଣିବାପରେ ପଦିଆପାଲ୍ଲି ଗ୍ରାମ ର ରାମଚନ୍ଦ୍ର ନାମରେ ଗତକାଲି କୁଡୁମୁଲୁ ଗୁମ୍ମା ଫାଣ୍ଡି ଅଧିକାରୀ ଗିରୀଶ ଚନ୍ଦ୍ର ମହାରଣା ଙ୍କ ନିକଟରେ ଲିଖିତ ଅଭିଯୋଗ କରିଥିଲେ ଓ ଉକ୍ତ ଅଭିଯୋଗକୁ ଆଧାର କରି ପୋଲିସ ସେହି ରାମଚନ୍ଦ୍ର କୁ ଗିରଫ କରି ପଚରା ଉଚୁରା ଜାରି ରଖିଥିଲେ । ନାବାଳିକା ଜଣକ ଗର୍ଭବତୀ ଥିବା ଖବର ଡାକ୍ତର ମାଇନା ରୁ ଜଣା ପଡ଼ିବା ପରେ ପୋଲିସ ଆସାମୀ ବିରୁଦ୍ଧରେ, ନାବାଳିକା ଧର୍ଷଣ ଅପରାଧରେ ମାମଲା ରୁଜୁକରି ପୋକ୍ସୋ ଆକ୍ଟ ସହ ପିଙ୍ଗଳ ଧାରା-୩୬୩/୩୬୬/୩୭୬(୨)/୫୦୬ ଦଫାରେ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି ।
