ପୁରୀ ,କୈଳାଶ ଚନ୍ଦ୍ର ପଣ୍ଡା
ପବିତ୍ର ଗହ୍ମା ପୂର୍ଣ୍ଣିମା ଅବସରରେ ଶ୍ରୀରାମ ସୁନ୍ଦରକାଣ୍ଡ ଚାରିଟେବୁଲ ଟ୍ରଷ୍ଟ ଦ୍ୱାରା ପରିଚାଳିତ ଗୋବିନ୍ଦ ଗୋଧାମ ଗୋଶାଳା ପରିସରରେ ଟ୍ରଷ୍ଟର ପ୍ରତିଷ୍ଠାତା ଓ ସମ୍ପାଦକ ପଣ୍ଡିତ ବିଷ୍ଣୁଚରଣ ପଣ୍ଡାଜୀ ମହାରାଜଙ୍କ ନେତୃତ୍ୱରେ ଗୋମାତା ପୂଜନ ଓ ରକ୍ଷା ବନ୍ଦନ ପରମ୍ପରା ଅନୁସାରେ ଅନୁଷ୍ଠିତ ହୋଇଥିଲା |ଗୋମାତାଙ୍କୁ ପୂଜନ କରିବା ସହିତ ଉପସ୍ଥିତ ଅତିଥି ମାନେ ଗୋମାତାଙ୍କୁ ଖିରି,ପିଠା,ଚାରା, ଗୁଡ ଚୋକଡ ଲଡୁ ଖୁଆଇ ଗୋମାତାଙ୍କ ଆଶୀର୍ବାଦ ପ୍ରାପ୍ତି କରିଥିଲେ |ଏହି ପୂଜନ କାର୍ଯ୍ୟକ୍ରମରେ ବରିଷ୍ଠ ଆଇନଜୀବୀ ନିରଞ୍ଜନ ପତି, ଶ୍ରୀମନ୍ଦିର ଦଇତାପତି ସେବାୟତ ରାମଚନ୍ଦ୍ର ଦାସ ମହାପାତ୍ର, କମଲ ଅଗ୍ରୱାଲ, ଅଭିମନ୍ୟୁ ଗୁରୁ, କୃଷ୍ଣଚନ୍ଦ୍ର ମହାନ୍ତି ଏବଂ ଅନ୍ୟ ସାଥୀମାନେ ଉପସ୍ଥିତ ଥିଲେ |ପୁରୀରେ ଏଭଳି ଭବ୍ୟ ଗୋଶାଳା ଦେଖି ନିଜର ଖୁସି ବ୍ୟକ୍ତ କରିବା ସହିତ ଗୋମାତାଙ୍କ ସେବାର ସାନିଧ୍ୟ ଲାଭ କରି ନିଜକୁ ଧନ୍ୟ ମନେ କରିଥିଲେ |
