ବ୍ରହ୍ମପୁର: ସାନଖେମୁଣ୍ଡି ବ୍ଲକ ଅନ୍ତର୍ଗତ ବିଜେଡ଼ି ପକ୍ଷରୁ ସ୍ଥାନୀୟ ପୂର୍ତ୍ତବଙ୍ଗଳା ପରିସରରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି l ଆସିକା ସାଂସଦ ପ୍ରମିଳା ବିଶୋୟି ନିର୍ବାଚିତ ହେବାପରେ ପ୍ରଥମ ଥର ପଞ୍ଚାୟତ ସମିତି ବୈଠକରେ ଯୋଗଦେଇଥିଲେ l ସମିତି ବୈଠକ ପୁର୍ବରୁ ତାଙ୍କୁ ବିଜେଡ଼ି କର୍ମୀ ଓ ପଂଚାୟତ ପ୍ରତିନିଧିମାନେ ସମ୍ବର୍ଦ୍ଧିତ କରିଥିଲେ l ରାଜ୍ୟ ଓ ଓସ୍କାର୍ଡ଼ ବ୍ୟାଙ୍କ ସଭାପତି ଯୋଗେନ୍ଦ୍ର ସ୍ବାଇଁଙ୍କ ନେତୃତ୍ୱରେ ବ୍ଲକ ଅଧ୍ୟକ୍ଷା ସଙ୍ଗୀତ ବେହେରା,ଉପାଧକ୍ଷା ଗୋବିନ୍ଦ ସ୍ବାଇଁ ,ପୂର୍ବତନ ବ୍ଲକ ଅଧକ୍ଷ ଅନ୍ତର୍ଯ୍ୟାମୀ ସ୍ବାଇଁ, ଜିଲ୍ଲା ପରିଷଦ ସଭ୍ୟ ଶଙ୍କର୍ଶଣ ସ୍ବାଇଁ,ଗୀତାଞ୍ଜଳି ନାୟକ,ଏ .କୈଳାଷ୍ ପାତ୍ର ସମ୍ବର୍ଦ୍ଧିତ କରିବା ସହ ବାଇକ ଶୋଭାଯାତ୍ରାରେ ସାଂସଦଙ୍କୁ ବ୍ଲକ କାର୍ଯ୍ୟଳୟ ପର୍ଯ୍ୟନ୍ତ ନେଇଥିଲେ l
