ଯୁବ ସ୍ବାଭିମାନ ଦିବସ ଅବସରରେ ସ୍ଥାନୀୟ ଟାଉନ ଥାନା ପରିସରରେ ରୋଟାରୀ କ୍ଲବ ପୁରୀ ସାଗର ଏବଂ ଟାଉନ ଥାନା ପୁଲିସ ଓ ସମ୍ବାଦ ଆନୁକୂଲ୍ୟରେ ଏକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଟାଉନ ଥାନା ଇନ୍ସ୍ପେକ୍ଟର ଗୋକୁଳ ଚରଣ ଦାସଙ୍କ ସଂଯୋଜନାରେ ଅନୁଷ୍ଠିତ ଏହି ବୃକ୍ଷରୋପଣ କାର୍ଯ୍ୟକ୍ରମକୁ ପୁରୀ ଏସ୍ପି ଡା. କେ. ଭିଶାଲ ସିଂହ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ। ଏହି ବୃକ୍ଷରୋପଣ କାର୍ଯ୍ୟକ୍ରମଟି ଏସ୍ପି ଡା. ସିଂହ ଶୁଭାରମ୍ଭ କରି କହିଲେ ଯେ କୋଭିଡ଼ ମହାମାରୀ ସମୟରେ ଅକ୍ସିଜେନ୍ର ଆବଶ୍ୟକତା ଆମେ ସମସ୍ତେ ଅନୁଭବ କରିଥିଲେ। ତେଣୁ ଏଥିପାଇଁ ଆୟୋଜକ ମାନଙ୍କ ପକ୍ଷରୁ କରାଯାଇଥିବାରୁ ପ୍ରଚେଷ୍ଟାକୁ ସେ ପ୍ରଶଂସା କରିଥିଲେ।
ଏହି ଅବସରରେ ଅତିରିକ୍ତ ଆରକ୍ଷୀ ଅଧୀକ୍ଷକ ମିହିର କୁମାର ପଣ୍ଡା, ସିଟି ଡିଏସ୍ପି ଜନାର୍ଦ୍ଦନ ପାଢ଼ୀ, ଏସିଏଫ୍ଓ ଉତ୍ତମ ଗଡ଼ନାୟକ, ରୋଟାରୀ କ୍ଲବ ପୁରୀ ସାଗରର ସଭାପତି ସରୋଜ କୁମାର ପାଣିଗ୍ରାହୀ, ପୂର୍ବତନ ସଭାପତି ଯୁଧିଷ୍ଠିର ଲେଙ୍କା, ଚାର୍ଟର ସଭାପତି ଅଶୋକ ପାତ୍ର, ସମ୍ପାଦକ ଅରୁଣକାନ୍ତ ଗଜେନ୍ଦ୍ର, ଆସନ୍ତା ବର୍ଷର ସଭାପତି ଧବଳେଶ ମହାପାତ୍ର, ଶ୍ୟାମ କାହ୍ନା ପଟ୍ଟନାୟକ, ଯୁଗବ୍ରତ କର, ନଟବର ସାହୁ, ବଦ୍ରି ମିଶ୍ର କୁମ୍ଭାରପଡ଼ା ଥାନା ଆଇଆଇସି ବିଚିତ୍ରାନନ୍ଦ ସେଠୀ, ଟ୍ରାଫିକ୍ ଇନ୍ସ୍ପେକ୍ଟର ଦିଲିପ କୁମାର ଧଳ, ଏସ୍ଆଇ ଟୁନା ସବର ଏବଂ ଟାଉନ ଥାନା ଅଧିନସ୍ଥ ଆମ ପୁଲିସ ସଦସ୍ୟମାନେ ଉପସ୍ଥିତ ରହି ବୃକ୍ଷରୋପଣ କରିଥିଲେ। ଏହି କାର୍ଯ୍ୟକ୍ରମକୁ ସମ୍ବାଦର ଜିଲ୍ଲା ପ୍ରତିନିଧି ସୁମନ୍ତ ପରିଡ଼ା, ସାମ୍ବାଦିକ ଶ୍ୟାମ କାହ୍ନା ପଟ୍ଟନାୟକ, ସତ୍ୟନାରାୟଣ ରାଉତରାୟ, କନକର ପ୍ରତିନିଧି ସିମାଞ୍ଚଳ ପାଢ଼ୀ, କ୍ୟାମେରାମ୍ୟାନ୍ ପବିତ୍ର ପୃଷ୍ଟି, କ୍ୟାମେରାମ୍ୟାନ୍ ସନ୍ତୋଷ ବରାଳ ପ୍ରମୁଖ ପରିଚାଳନା କରିଥିଲେ।
