ସାରଦାଦେବୀ ରୋଡ଼ ସ୍ଥିତ ପୁରୀ ନାରୀସେବା ସଂଘ ସଦନରେ ସମସ୍ତ କୋଭିଡ ନିୟମ ପାଳନ ରକ୍ଷା ପୂର୍ବକ ୭୫ତମ ସ୍ବାଧୀନତା ଦିବସ ପାଳିତ ହୋଇଯାଇଛି |ସଦନର ସଭାନେତ୍ରୀ କୃଷ୍ଣ ପ୍ରିୟା ଆଚାର୍ଯ୍ୟଙ୍କ ଦ୍ୱାରା ଜାତୀୟ ପତାକା ଉତ୍ତୋଳନ, ଜାତୀୟ ସଙ୍ଗୀତ ଗାନ, ପରେ ପରେ ସମ୍ପାଦିକା ମଞ୍ଜୁଶ୍ରୀ ଦାଶଙ୍କ ପରିଚାଳନାରେ ଏକ ସଭା ଅନୁଷ୍ଠିତ ହୋଇଥିଲା |ପ୍ରାରମ୍ଭରେ ପ୍ରାଧ୍ୟାପିକା ବାସନ୍ତୀ ଦେବୀ ଏହି ପୂନ୍ୟ ଦିବସର ମହତ୍ୱ ଏବଂ ତାତ୍ପର୍ଯ୍ୟ ଉପରେ ମନ୍ତବ୍ୟ ରଖି ସ୍ୱରଚିତ କବିତା ପାଠ କରିଥିଲେ |
କବି ପ୍ରତିଭା ତ୍ରିପାଠୀ, ଉଲ୍ଲାସ ବାଳା ଦାସ ଏବଂ ଅନୁପମା ପଣ୍ଡା ଭାଷଣ ମାଧ୍ୟମରେ ସ୍ୱକୀୟ ମତ ଉପସ୍ଥାପନା କରିଥିଲେ |ସଭାପତିଙ୍କ ଅଭିଭାଷଣ ପରେ ଦିବଂଗତ ସଦସ୍ୟ ବିଳାସିନୀ ଦାସ ଙ୍କ ଆମର ଆତ୍ମାର ସଦଗତି କାମନା କରି ଦୁଇ ମିନିଟ ନିରବ ପ୍ରାର୍ଥନା କରାଯାଇ ସଭାସଙ୍ଗ ହୋଇଥିଲା |ସ୍ଥାନୀୟ ଶିଶୁ ମାନଙ୍କ ସମେତ ସମସ୍ତଙ୍କୁ ମିଷ୍ଠାନରେ ଆପ୍ୟାୟିତ କରାଯାଇଥିଲା |ଉକ୍ତ ସଭାରେ ଆଲ୍ଲାଦିନ ପଟ୍ଟନାୟକ, ସବିତା ପତି, ବନ୍ଦିତା ପଟ୍ଟନାୟକ, ମିନତୀ କର, ପୁଷ୍ପା ପାତ୍ର, ସଂଘମିତ୍ରା ଦାଶ, ନିରୁପମା ପାତ୍ର, ପ୍ରଜ୍ଞା ପାରମିତା ପଟ୍ଟନାୟକ, ହରି ପ୍ରିୟା ପାଢ଼ୀ, ମଞ୍ଜୁଶ୍ରୀ ଦେବୀ, ଭାରତୀ ସିଂହ ପ୍ରଭୁତି ସଦସ୍ୟ ମାନେ ଉପସ୍ଥିତ ଥିଲେ |
