ଗଞ୍ଜାମ, ଗଞ୍ଜାମ ଜିଲ୍ଲା ଭଞ୍ଜନଗର ନିକଟସ୍ଥ ତିନିଛକିଆ, କିରିଆମ୍ବ ଜଙ୍ଗଲକୁ ଆଜି ସକାଳୁ ବାପପୁଅ ଯାଉଥିବା ବେଳେ ବାଟରେ ହାତୀ ଆକ୍ରମଣର ଶିକାର ହୋଇଥିଲେ । ଫଳରେ ଉଭୟେ ଗୁରୁତର ହୋଇଛନ୍ତି । ଗୁରୁତର ଦ୍ୱୟ ହେଲେ ବାପା ସୁରେନ୍ଦ୍ର ରାଉତ ଓ ପୁଅ ଶୁଭେନ୍ଦୁ ରାଉତ । ସ୍ଥାନୀୟ ଲୋକଙ୍କ ସହାୟତାରେ ସେମାନଙ୍କୁ ସେଠାରୁ ଉଦ୍ଧାର କରାଯାଇ ଚିକିତ୍ସା ନିମନ୍ତେ ଭଞ୍ଜନଗର ଉପଖଣ୍ଡ ଡ଼ାକ୍ତରଖାନାରେ ଭର୍ତି କରାଯାଇଛି । ଏହି ଅଂଚଳରେ ଗତ କିଛି ଦିନ ହେଲା ଜନସାଧାରଣ ହାତୀ ଉପଦ୍ରବରେ ଆତଙ୍କିତ ହୋଇପଡିଥିବା ଜଣାପଡିଛି । ଜଙ୍ଗଲ ବିଭାଗ ତୁରନ୍ତ ହାତୀ ଘଉଡାଇବା ଦିଗରେ ପଦକ୍ଷେପ ନେବାକୁ ଜନସାଧାରଣ ଦାବି କରିଛନ୍ତି ।
