ଗଞ୍ଜାମ, ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ୍ ର କଙ୍କରଡ଼ା ବିଜ୍ଞାନ ମହାବିଦ୍ୟାଳୟରେ ଯୁକ୍ତ ୩ ଛାତ୍ରଛାତ୍ରୀ ମାନେ ସେମିଷ୍ଟାର ପରୀକ୍ଷା ଅନ୍ ଲାଇନ୍ ମାଧ୍ୟମରେ କରାଇବାକୁ ଦାବି କରି ଆନ୍ଦୋଳନ ଆରମ୍ଭ କରିଛନ୍ତି । ଆଜି ସକାଳୁ ଛାତ୍ରଛାତ୍ରୀ ମାନେ କଲେଜ ମୁଖ୍ୟ ଫାଟକ ବନ୍ଦ କରି ଅଧ୍ୟକ୍ଷ, ଅଧ୍ୟାପକ, ଅଧ୍ୟାପିକା ଓ କଲେଜ କର୍ମଚାରୀଙ୍କୁ କଲେଜ ଭିତରକୁ ଛାଡି ନାହାଁନ୍ତି । ଛାତ୍ରଛାତ୍ରୀ ମାନେ କଲେଜ ଫାଟକ ସମ୍ମୁଖରେ ଏକାଠି ହୋଇ କଲେଜ ରାସ୍ତାକୁ ଅବରୋଧ କରିବା ସହ ସେଠାରେ ଧାରଣା ଦେଇଛନ୍ତି । ଆନ୍ଦୋଳନରତ ଛାତ୍ରଛାତ୍ରୀ ମାନଙ୍କୁ ବୁଝାସୁଝା କରିବା ପାଇଁ କଲେଜ କର୍ତୃପକ୍ଷ ଓ ପୋଲିସ ପକ୍ଷରୁ ଉଦ୍ୟମ ଜାରୀ ରହିଛି ।
