କେନ୍ଦୁଝର, କେନ୍ଦୁଝର ଜିଲ୍ଲାର ଭୂୟାଁ ଜୁଆଙ୍ଗ ପୀଢ଼ (ବିଜେପି) ରେଞ୍ଜ୍ ଅନ୍ତର୍ଗତ ତଳଚମ୍ପେଇ ଗ୍ରାମ ନିକଟସ୍ଥ ଜଙ୍ଗଲରେ ଗତକାଲି ଅସୁସ୍ଥ ଅବସ୍ଥାରେ ଠାବ ହୋଇଥିବା ହାତୀର ଚିକିତ୍ସାଧିନ ଅବସ୍ଥାରେ ବିଳମ୍ବିତ ରାତିରେ ମୃତ୍ୟୁ ଘଟିଛି । ହାତୀଟି ଅସୁସ୍ଥ ହୋଇ ସେଠାରେ ପଡି ରହିଥିବା ସମ୍ପର୍କରେ ଗ୍ରାମବାସୀଙ୍କ ଠାରୁ ଖବର ପାଇବା ପରେ ବନ ବିଭାଗ ଡ଼ାକ୍ତରୀ ଦଳ ସହ ଘଟଣାସ୍ଥଳରେ ପହଂଚି ଅସୁସ୍ଥ ହାତୀଟିର ଚିକିତ୍ସା କରିଥିଲେ । ଡ଼ାକ୍ତରୀ ଦଳର ବହୁ ପରିଶ୍ରମ ପରେ ହାତୀଟି ସାମାନ୍ୟ ସୁସ୍ଥ ଅବସ୍ଥାକୁ ଆସିଥିଲେ ମଧ୍ୟ ପରବର୍ତି ଅବସ୍ଥାରେ ବିଳମ୍ବିତ ରାତିରେ ହାତୀଟିର ମୃତ୍ୟୁ ଘଟିଛି । ମୃତ ହାତୀର ବୟସ ପ୍ରାୟ ୩୫ ବର୍ଷ ହେବ ବୋଲି ଆକଳନ କରାଯାଉଛି ।
