ଓଡିଶା ସାହିତ୍ୟ ଏକାଡେମୀର ପୂର୍ବତନ ସଭାପତି ନାଟ୍ୟକାର କବି ହରିହର ମିଶ୍ର ନିଜର ବାର୍ଦ୍ଧକ୍ୟ ଜନିତ ଅସୁସ୍ଥତା ବଶତଃ ଚିକିତ୍ସାଧିନ ଥିବା ଅବସରରେ ତାଙ୍କର ଆରୋଗ୍ୟ କାମନା କରି ମହାପ୍ରଭୁ ଶ୍ରୀଜଗନ୍ନାଥ ଙ୍କୁ ଭକ୍ତିପୃତ ନିବେଦନ ପୂର୍ବକ ଶ୍ରୀକ୍ଷେତ୍ରରେ ବିଭିନ୍ନ ସାହିତ୍ୟ ସଂଗଠନ ଏବଂ ସାହିତ୍ୟନୁରାଗୀ ଵରଣ୍ୟ ବ୍ୟକ୍ତି ବୃନ୍ଦଙ୍କ ତରଫରୁ ଏକ ସମୂହ ଦୀପଦାନ କାର୍ଯ୍ୟକ୍ରମ ଆବାହକ ଉମାକାନ୍ତ ସାହୁ ଓ ରବୀନ୍ଦ୍ର ନାଥ ପଟ୍ଟନାୟକଙ୍କ ପରିଚଳନା କ୍ରମେ ଶ୍ରୀମନ୍ଦିର ସିଂହଦ୍ୱାର ଅଂଚଳରେ ସନ୍ଧ୍ୟା ୬ ଘଣ୍ଟିକା ସମୟରେ ଅନୁଷ୍ଠିତ ହୋଇଥିଲା |
ଏହି ଦୀପଦାନ କାର୍ଯ୍ୟକ୍ରମରେ ଅଗ୍ରଣୀ ସାହିତ୍ୟ ଅନୁଷ୍ଠାନ ସୁଲେଖା ସାହିତ୍ୟ ସଂସ୍କୃତି ପରିଷଦ, ଅଭିନନ୍ଦନିକା, ବର୍ଷା ସାହିତ୍ୟ ସଂସଦ, ଶ୍ରୀକ୍ଷେତ୍ର ସାହିତ୍ୟ ସଂସଦ, ଶ୍ରୀକ୍ଷେତ୍ର ଲେଖକ ସମୁଖ୍ୟ, ପ୍ରିୟପତ୍ର, ହରିବୋଲ ହୁଳହୁଳି, ଶିଶୁ ସମାଚାର, ଓଡ଼ିଆ ସାହିତ୍ୟ ଓ ସଂସ୍କୃତି ପରିଷଦ, ଶ୍ରୀପନ୍ନା ପ୍ରକାଶନୀ,ନୀଳଚକ୍ର ବାନା, ଦିବ୍ୟ ଦର୍ଶନ, ବିଶ୍ୱନୟନ ଏବଂ ମିଶନ ଓଡିଶା, ଶ୍ରୀହର ଗୌରୀ ଫାଉଣ୍ଡେସନ, ବୋଧିଚକ୍ର, ସମ୍ପର୍କ, ଅନୁରାଗ ସାହିତ୍ୟ, ସଂଗୋଷ୍ଠୀ, ଭାଗବତ ସେବା ପ୍ରତିଷ୍ଠାନ, ବାମଦେବ ସ୍ମୃତି ସଂସଦ, ଶ୍ରୀକ୍ଷେତ୍ର ପୁସ୍ତକ ମେଳା କମିଟି, ପୁରୁଷୋତ୍ତମ ହାସ୍ୟ ଆଖଡ଼ା, ସିଂହଦ୍ୱାର ପ୍ରମୁଖ ଅନୁଷ୍ଠାନର କର୍ମକର୍ତ୍ତା ଗଣ ଯୋଗଦାନ କରିଥିଲେ |
