ଗଞ୍ଜାମ – ସଦର ଥାନା ଅନ୍ତର୍ଗତ ବୁରୁକୁଣ୍ଡି ଗ୍ରାମ ଦେଇ ଯାଇଥିବା ସାପୁଆ ନାଳରେ ଭାସି ଆସିଥିବା ଜଣେ ଅଜଣା ବ୍ୟକ୍ତିର ଶବକୁ ବ୍ରହ୍ମପୁର ସଦର ଥାନା ପୋଲିସ ଆଜି ସକାଳେ ଉଦ୍ଧାର କରିଛି । ସ୍ଥାନୀୟ ଲୋକଙ୍କ ଠାରୁ ଖବର ପାଇ ପୋଲିସ ଘଟଣାସ୍ଥଳରେ ପହଂଚି ଶବ ଜବତ କରିବା ପରେ ଏହାକୁ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ ମେଡିକାଲର ଏଫଏମଟି ବିଭାଗକୁ ପଠାଯାଇଛି । ସଦର ଥାନା ପୋଲିସ ଏ ସଂକ୍ରାନ୍ତରେ ଏକ ଅପମୃତ୍ୟୁ ମାମଲା ରୁଜ୍ଜୁ କରି ତଦନ୍ତ ଜାରୀ ରଖିଛି । ମୃତ ବ୍ୟକ୍ତି ଜଣକ କିଏ ଏବଂ କେଉଁ ପରିସ୍ଥିତିରେ ତାଙ୍କର ମୃତ୍ୟୁ ଘଟିଲା ଏବଂ ନଦୀରୁ ତାଙ୍କ ମୃତଦେହ ଉଦ୍ଧାର ହେବା ଘଟଣା ଉପରେ ପୋଲିସ ଛାନଭିନ୍ ଚଳାଇଛି । ପୋଲିସ ପକ୍ଷରୁ ଶବ ଚିହ୍ନଟ ପ୍ରକ୍ରିୟା ଜାରୀ ରହିଛି ।
