କୈଳାଶ ଚନ୍ଦ୍ର ପଣ୍ଡା,ପୁରୀ
ଭାରତ ସ୍କାଉଟସ୍ ଓ ଗାଇଡସ୍ ପରିବାରର ଓଡ଼ିଶା ରାଜ୍ୟ ସଭାପତି ସ୍ଵର୍ଗତ ରାମମୂର୍ତ୍ତି ଦୋରାଙ୍କ ଭୁବନେଶ୍ୱର ଠାରେ ଦେହାବସାନ ଘଟିଛି । ଉକ୍ତ ଦୁଃଖର ଖବର ସମଗ୍ର ରାଜ୍ୟରେ ସ୍କାଉଟସ୍ ସହ ସମ୍ପର୍କ ଥିବା ପ୍ରତ୍ୟେକ ବ୍ୟକ୍ତିଙ୍କ ମନରେ ଦୁଃଖର ଲହରୀ ଖେଳାଇ ଦେଇଛି । ଏହି ଅବସରରେ ପୁରୀ ଜିଲ୍ଲା ଭାରତ ସ୍କାଉଟସ୍ ଓ ଗାଇଡସ୍ ପରିବାରର ସମସ୍ତ ସଦସ୍ୟ ଓ ପଦାଧିକାରୀ ବିଜ୍ଞାନ ଭବନ , ପୁରୀ ଜିଲ୍ଲା, ପୁରୀ ଠାରେ ଶୋକାକୁଳ ପରିବେଶ ମଧ୍ୟରେ ଏକ ସଭା ଆୟୋଜନ କରି ସେହି ପୂଜନୀୟ ବ୍ୟକ୍ତିତ୍ଵଙ୍କ ସ୍ମୃତି ଚାରଣ କରିଥିଲେ ଓ ସେହି ପୂଜନୀୟ ପ୍ରତିଭାଙ୍କ ଅମର ଆତ୍ମାର ସଦଗତି ପାଇଁ ୨ ମିନିଟ୍ ନୀରବ ପ୍ରାର୍ଥନା କରିଥିଲେ |
ଏଥି ସହିତ ତାଙ୍କ ଶୋକସନ୍ତପ୍ତ ପରିବାରକୁ ଧୈର୍ଯ୍ୟ ପ୍ରଦାନ କରିବାପାଇଁ ପ୍ରଭୁ ଜଗନ୍ନାଥଙ୍କ ନିକଟରେ ବିନମ୍ର ପ୍ରଣିପାତ ଜ୍ଞାପନ କରିଥିଲେ । ଏଥିରେ ପୁରୀ ଜିଲ୍ଲା ଭାରତ ସ୍କାଉଟସ୍ ଓ ଗାଇଡସ୍ ପରିବାରର ମୁଖ୍ୟ (ଡିଷ୍ଟ୍ରିକ୍ଟ୍ ଡିପ୍ କମିଶନର୍ ) ତଥା ପୁରୀ ଜିଲ୍ଲା ଶିକ୍ଷାଧିକାରୀ ,ଡ. ବିଶ୍ଵଜିତ୍ ଘୋଷ୍ , ଡି.ସି(ସ୍କାଉଟ୍ସ୍) ଶ୍ରୀ ରମେଶ ଚନ୍ଦ୍ର ପଣ୍ଡା। , ଉପସଭାପତି, ଶ୍ରୀ ରଘୁନାଥ ମହାପାତ୍ର , ଜିଲ୍ଲା ସମ୍ପାଦକ, ଶ୍ରୀ ମହେନ୍ଦ୍ର କୁମାର ବିଶ୍ବାଳ, ଡି.ସି (ଗାଇଡ୍ସ୍) ରୂପଶ୍ରୀ ଛୋଟରାୟ ତଥା ଅନ୍ୟ ମାନଙ୍କ ମଧ୍ୟରେ ବିଦ୍ୟାଧର ମିଶ୍ର, ଦେବାଶିଷ ମିଶ୍ର , ମୀନାକ୍ଷୀ ମିଶ୍ର , ମନୋରମା ଷଡଙ୍ଗୀ, ସସ୍ମିତା ରାଉତରାୟ, ପ୍ରଭାକର ମହାପାତ୍ର , ଅଶୋକ କୁମାର ସେଠୀ ଓ ସ୍କାଉଟ୍ ମାଷ୍ଟର୍ସ , ଗାଇଡ୍ କ୍ୟାପ୍ଟେନ୍ ,କବ ମାଷ୍ଟର, ସ୍କାଉଟର୍ ତଥା ଗାଇଡର୍ ଉପସ୍ଥିତ ଥିଲେ ।
