ମୋହନା – ବ୍ରହ୍ମପୁର ଚାଲାଣ ବେଳେ ପ୍ରାୟ ୧୮୦ କେଜି ଗଞ୍ଜେଇ ଜବତ କରିଛି ଗଜପତି ଜିଲ୍ଲା ମୋହନା ଥାନା ପୋଲିସ । ଜବତ ଗଞ୍ଜେଇର ମୂଲ୍ୟ ପ୍ରାୟ ୯ ଲକ୍ଷ ଟଙ୍କା ହେବ । ଏହି ଘଟଣାରେ ଭାଲିଆଗଣ୍ଡା ଗାଁର ଥୋମାସ୍ ନାୟକକୁ ପୋଲିସ ଗିରଫ କରିଛି । ତେବେ କେତେ ଦିନ ଧରି ଏହି ଚୋରା ଚାଲାଣ ଚାଲିଥିଲା ଏବଂ ଏଥିରେ ଆଉ କେଉଁ ମାନେ ସାମିଲ୍ ଅଛନ୍ତି ପୋଲିସ ସେ ନେଇ ଅଧିକ ତଦନ୍ତ ଜାରୀ ରଖିଛି ।
ଅଭିଯୁକ୍ତ ଥୋମାସ୍ ୭ଟି ଜରି ବସ୍ତାରେ ପ୍ରାୟ ୧୮୦ କେଜି ଗଞ୍ଜେଇ ଭର୍ତି କରି ବ୍ରହ୍ମପୁର ଚାଲାଣ ପାଇଁ ବସ୍ କୁ ଅପେକ୍ଷା କରିଥିଲା । ତେବେ ଏହି ସମୟରେ ବାରିଆବନ୍ଧ ଅଂଚଳରେ ପେଟ୍ରାଲିଂ କରୁଥିବା ପୋଲିସ ତାକୁ ଅଟକାଇ ଯାଂଚ୍ କରିବା କରିବା ବେଳେ ସମସ୍ତ ଘଟଣା ପଦାକୁ ଆସିଥିଲା । ପୋଲିସ ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ କରିବା ସହ ଘଟଣାରେ ଅଭିଯୁକ୍ତ ଥୋମାସକୁ ଗିରଫ କରି କୋର୍ଟଚାଲାଣ କରିଛି ।
