ବ୍ରହ୍ମଗିରି ରୋଡ଼ ଗୋରୁଆଳ ପଞ୍ଚାୟତ ଅଳିପଡ଼ା ଠାରେ ଅବସ୍ଥାପିତ ତଥା ଶ୍ରୀରାମ ସୁନ୍ଦରକାଣ୍ଡ ଚାରିଟେବୁଲ ଟ୍ରଷ୍ଟ ଦ୍ୱାରା ପରିଚାଳିତ ଗୋବିନ୍ଦ ଗୋଧାମ ଗୋଶାଳା ଶ୍ରୀମନ୍ଦିର ମୁଖ୍ୟ ପ୍ରଶାସକ ଡ଼ କିଷାନ କୁମାର ପରିଦର୍ଶନ କରି ଗୋସେବା କରିଥିଲେ |ଗୋବିନ୍ଦ ଗୋଧାମ ପରିଦର୍ଶନ କରି ଡ଼ କୁମାର ସନ୍ତୋଷ ବ୍ୟକ୍ତ କରିବା ସହିତ ଏହାର ବହୁବିଦ୍ଧ ବିକାଶ ସମ୍ପର୍କରେ ଟ୍ରଷ୍ଟର ପ୍ରତିଷ୍ଠାତା ଓ ସମ୍ପାଦକ ପଣ୍ଡିତ ବିଷ୍ଣୁ ଚରଣ ପଣ୍ଡାଙ୍କ ସହିତ ଦୀର୍ଘ ସମୟ ଆଲୋଚନା କରିଥିଲେ |
ଏହି ସମୟରେ ସଭାପତି ଭାଗିରଥି ପୂଜାପଣ୍ଡା, ବାବାଜୀ କୃଷ୍ଣଚନ୍ଦ୍ର ଦାସଜୀ, ଶ୍ରୀମନ୍ଦିର ବରିଷ୍ଠ ସେବକ ରଜତ କୁମାର ପ୍ରତିହାରୀ, ଗୋବିନ୍ଦ ଗୋଧାମ ଅଭ୍ୟର୍ଥନା କମିଟି ଅଧ୍ୟକ୍ଷ ତଥା ବରିଷ୍ଠ ସେବକ ମଧୁସୂଦନ ସିଂହାରୀ ପ୍ରମୁଖ ଉପସ୍ଥିତ ଥିଲେ |ସୂଚନା ଯୋଗ୍ୟ ପୁରୀ ସହରର ଶ୍ରୀମନ୍ଦିର ଚାରିପଟ ମୁଖ୍ୟ ରାସ୍ତାରୁ ପ୍ରଶାସନ ଦ୍ୱାରା ଉଦ୍ଧାର କରାଯାଇଥିବା ଗୋମାତା ଏଠାରେ ଅବସ୍ଥାନ କରୁଛନ୍ତି |ଏହି ସୂଚନା ଟ୍ରଷ୍ଟର ମୁଖପାତ୍ର ସାମ୍ବାଦିକ ବିଷ୍ଣୁଦତ୍ତ ଦାସ ପ୍ରଦାନ କରିଛନ୍ତି |
