-
ଜଣେ ଯବାନ ସହିଦ, ଅନ୍ୟ ଜଣେ ଗୁରୁତର
ମାଲକାନଗିରି, ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ନାରାୟଣପୁର ଜିଲ୍ଲାରେ ପୁଣି ମାଓ ହିଂସା । ମାଓବାଦୀ ଓ ଯବାନଙ୍କ ମଧ୍ୟରେ ଗୁଳିବିନିମୟ ହୋଇଛି । ଏଥିରେ ଜଣେ ଯବାନ ସହିଦ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଥିବା ସୂଚନା ମିଳିଛି । ନାରାୟଣପୁର ଜିଲ୍ଲା ଆମଦାଇ ଘାଟିରେ ଏହି ଗୁଳି ବିନିମୟ ହୋଇଛି । ନାରାୟଣପୁର ଜିଲ୍ଲା ଛଟେଡଙ୍ଗର ଥାନାରେ ମୁତୟନ ୪୫ ବାଟାଲିୟନର ଆଇଟିବିପି ଯବାନ ଆଜି ସକାଳ ୧୦ଟାରେ ଆମଦାଇ ଘାଟିରେ ପାଟ୍ରୋଲିଂ ପାଇଁ ଯାଇଥିଲେ ।
ଏହି ରାସ୍ତା ଦେଇଯିବା ମାତ୍ରେ ମାଓବାଦୀ ମାନେ ଅତର୍କିତ ଭାବେ ଗୁଳି ଚଳାଇଥିଲେ । ଏହାର ପାଲଟା ଜବାବ ଦେଇଥିଲେ ଆଇଟିବିପି ଯବାନ । ବିଧାୟକ ସମ୍ପୂର୍ଣ୍ଣ ସୁରକ୍ଷିତ ଥିବା ବେଳେ ଜଣେ ଯବାନ ସହିଦ ହୋଇଛନ୍ତି । ତାଙ୍କ ନା ଶିଭ କୁମାର ମୀନା । ଗୁଳି ବିନିମୟ ପରେ ବିଧାୟକ ପୁଣି ଥରେ ନାରାୟଣପୁର ଫେରି ଆସିଛନ୍ତି । ବର୍ତ୍ତମାନ ଘଟଣାସ୍ଥଳରେ କମ୍ବିଂ ଅପରେସନକୁ ଜୋରଦାର୍ କରାଯାଇଛି ।
