ଆସନ୍ତା କାଲି ବାହୁଡ଼ା ଯାତ୍ରା

• ଆଜି ରାତି ୮ରୁ ବଡ଼ଦାଣ୍ଡରେ କର୍ଫ୍ୟୁ

ପୁରୀ,  ଆସନ୍ତାକାଲି ଅନୁଷ୍ଠିତ ହେବାକୁ ଥିବା ବାହୁଡ଼ା ଯାତ୍ରା ପରିପ୍ରେକ୍ଷୀରେ ଆଜି ରାତି ୮ଟା ଠାରୁ ବୁଧବାର ଅର୍ଥାତ୍ ୨୧ ତାରିଖ ରାତି ୮ଟା ପର୍ଯ୍ୟନ୍ତ ବଡ଼ଦାଣ୍ଡରେ କର୍ଫ୍ୟୁ ବଳବତର ରହିବ । କରୋନା ସଂକ୍ରମଣ ଉପରେ ରୋକ୍ ଲଗାଇବା ଓ ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ଏହି ପଦକ୍ଷେପ ନିଆଯାଇଛି । ଏଥି ପୂର୍ବରୁ ଗତକାଲି ବଡ଼ଦାଣ୍ଡରେ ପୋଲିସ ପକ୍ଷରୁ ଫ୍ଲାଗ୍ ମାର୍ଚ୍ଚ କରାଯାଇଥିଲା । ହୋଟେଲ, ଲଜିଂ, ଘର ମାଲିକଙ୍କୁ ବାହୁଡ଼ା ଦିନ ବଡ଼ଦାଣ୍ଡ ଛାତରେ ନରହିବାକୁ ନିର୍ଦ୍ଦେଶ ରହିଛି ।