ଧର୍ମଶାଳା, ଯାଜପୁର ଜିଲା ଧର୍ମଶାଳା ଥାନା ଅନ୍ତର୍ଗତ ଦେଓଦା ପଂଚାୟତର ଜନୈକା ଯୁବତୀକୁ ମଠସାହି ଗ୍ରାମର ଭାସ୍କର ରଣା ଓରଫ ବାବୁଲି(୫୨) ଦୁଷ୍କର୍ମ କରିଥିବା ନେଇ ବ୍ରହ୍ମବରଦା ଫାଣ୍ଡିରେ ଦିବ୍ୟାଙ୍ଗ ଯୁବତୀଙ୍କ ଭାଇ ଅଭିଯୋଗ କରିଥିଲେ । ଅଭିଯୋଗକୁ ଭିତି କରି ଥାନାରେ ୩୭୩/୨୧ରେ ଏକ ମାମଲା ରୁଜୁ କରି ଘଟଣାର ତଦନ୍ତ କରି ଅଭିଯୁକ୍ତ ବାବୁଲିକୁ ଗିରଫ କରିଥିଲା । ତେବେ ଅଧିକ ତଦନ୍ତ ପାଇଁ ପୁଲିସ ସାଇଁଟିଫିକ୍ ଟିମ୍ର ସହାୟତା ନେଇଥିଲା । ଆଜି ସକାଳେ ସାଇଁଟିଫିକ୍ ଟିମ୍ ମଠସାହି ଗ୍ରାମରେ ପଂହଚି ପୀଡିତାଙ୍କ ପରିବାର ସହ ଆଲୋଚନା କରିବା ସହ ଦୁଷ୍କର୍ମ ଘଟିଥିବା ଆଖୁ କିଆରୀ ସ୍ଥାନରୁ ମାଟି ଓ କିଛି ରକ୍ତ ସଂଗ୍ରହ କରି ଫେରିଯାଇଥିବା ଜଣାପଡିଛି । ସାଇଁଟିଫିକ୍ ଟିମ୍ ସହ ଧର୍ମଶାଳା ଥାନା ଅଧିକାରୀ ସରୋଜ ସାହୁ ଓ ବ୍ରହ୍ମବରଦା ଫାଣ୍ଡି ଅଧିକାରୀ ପରମାନନ୍ଦ ସେଠୀ ଉପସ୍ଥିତ ରହିଥିଲେ । ଆଜି ଅଭିଯୁକ୍ତ ବାବୁଲିର କୋଭିଡ ଟେଷ୍ଟ ପରେ କୋର୍ଟ ଚାଲାଣ କରାଯାଇଥିବା ନେଇ ପୁଲିସ ସୂଚନା ଦେଇଛି ।
ସୂଚନା ଥାଉକି ଗୁରୁବାର ଅପରାହ୍ନ ୩ଟା ସମୟରେ ମଠସାହି ଗ୍ରାମର ଜନୈକା ଦିବ୍ୟାଙ୍ଗ ଯୁବତୀ ଘର ପଛପଟକୁ ଶୈଚ ହେବାକୁ ଯାଇଥିଲେ । ସେଠାରେ ଯୁବତୀ ଜଣକ ଏକୁଟିଆ ଥିବା ସୁଯୋଗ ନେଇ ବାବୁଲି ଆଖୁ କିଆରୀକୁ ନେଇ ଦୁଷ୍କର୍ମ କରିଥିଲା । ପରିବାର ଲୋକେ ଯୁବତୀକୁ ଘଟଣାସ୍ଥଳରୁ ଉଦ୍ଧାର କରି ବ୍ରହ୍ମବରଦା ଫାଣ୍ଡିରେ ଅଭିଯୋଗ କରିଥିଲେ ।
