ଗଞ୍ଜାମ – ଭଞ୍ଜନଗର ନିକଟ ମୁଜାଗଡ଼ ଜଙ୍ଗଲରୁ କାଠ ଚୋରୀ କରୁଥିବା ବେଳେ ମୁଜାଗଡ଼ ଜଙ୍ଗଲରେ ଫରେଷ୍ଟର ସନ୍ତୋଷ କୁମାର ଦାସ ପ୍ରତିବନ୍ଧକ ସାଜିବାରୁ କାଠ ମାଫିଆ ୨ ଜଣ କୁନା ମଳିକ ଓ ଅଭି ଯାନୀ ତାଙ୍କ ଉପରେ ଆକ୍ରମଣ କରି ଗତ ୧୯ ତାରିଖରେ ଖସି ଚାଲି ଯାଇଥିଲେ । ଏ ସମ୍ପର୍କରେ ଶ୍ରୀ ଦାସ ତାରାସିଂ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗକୁ ଭିତି କରି ପୋଲିସ ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ କରିବା ସହ ଘଟଣାର ତଦନ୍ତ ଆରମ୍ଭ କରିଥିଲା । ଆଜି ଏହି କାଠ ଚୋର ଦୁଇ ଜଣଙ୍କୁ ଗିରଫ କରି କୋର୍ଟଚାଲାଣ କରାଯାଇଥିବା ନେଇ ଥାନା ଅଧିକାରୀ ସବ୍ୟସାଚୀ ମଲ୍ଲ ସୂଚନା ଦେଇଛନ୍ତି ।
